في ليلة من ليالي الافراح سعدنا بزواج الشاب مليح جزاع الخليل

في ليلة من ليالي الافراح سعدنا بزواج الشاب مليح جزاع الخليل
وتشرفت بالمشاركة بهذه الابيات

يالله اني باديٍ في خير بادي=باديٍ بسم الاله وبه رجاوي
ويالله اني طالباً منك السدادي=جملن بالقول في هديٍ سماوي
ويالله اني ، ما اهيم بكل وادي=ويتّبعني ، كل منهو كان غاوي
وفقن يارب لسلوب الرشادي=عن كلامٍ به ميول وبه ملاوي
وبعد هذا مرحبا ماله اعدادي=بالحضور بمحفل الحر النداوي
مرحبا ممزوجةٍ في ريح كادي=عند ابو عواد بعيد الهقاوي
عند منهو شاد للعليا شدادي=وللعلوم الطايلة والطيب حاوي
ضيغميٍ فاز في طيب المبادي=وان ذكرته بالكرم عدٍّ رهاوي
ذبحة الحشوان لضيوفه وكادي=والعطى يعطي مزايين ٍ هداوي
ومن رجالٍ صيتهم يوم الطرادي=يفرح الصديق ويغيض العداوي
وان حصل به مثل نهار التنادي=بشر الضميان في ورد المراوي
ويوم كلٍ في فخر ربعه ينادي= الفخر في ربعنا يوم العزاوي
مانقوله للـمهايط والدوادي=ولانقوله لجل ننقل قول راوي
خابرين ونذكر الشي الوكادي=بالصحيح وماعلينا به زراوي
ولو ازيده زاد قولي واستزادي=لكن اوجز لايجي قولي ارشاوي
وان دعانا للحفل ناتيه. بادي=ما نتردد بالحضور ولا نراوي
وله نوقف موقفْ ماهوب عادي=نصخر القيفان لين انه تهاوي
نصخر القيفان ببـوتٍ جدادي=لين ياتن كنهن هجن اللحاوي
وانت يامليح ، كساب الجوادي=عطرك الريحان وانته عود جاوي
بارك الله لك بزرعك والحصادي=في نهارٍ تلبس البشت الحساوي
وفالك التوفيق من رب العبادي=واهب الارزاق جزيل العطاوي
وانا لجلك جبت جدي واجتهادي=(وانت مع ابوك) بالقدر متساوي
وتمّت ابياتي بنظمي واعتمادي=مادخلهن مستعار ولا شراوي

سطم فهد الخليل

صح السانك اخوي الشاعر سطم الخليل

الشاعر القدير سطم فهد الخليل
صح السانك بحجم الكون
ودي لك يسبق ردي

بالمبارك للمعرس وفالك البيرق
اخي الشاعر سطم فهد الخليل
دايم سباق ووافي ابو فهد
صح السانك الف
تقبل مروري

اقتباس المشاركة الأصلية كتبت بواسطة ريم الفلا صح السانك اخوي الشاعر سطم الخليل

اقتباس المشاركة الأصلية كتبت بواسطة حسيكان الشاعر القدير سطم فهد الخليل صح السانك بحجم الكون ودي لك يسبق ردي

اقتباس المشاركة الأصلية كتبت بواسطة القعقاع بالمبارك للمعرس وفالك البيرق اخي الشاعر سطم فهد الخليل دايم سباق ووافي ابو فهد صح السانك الف تقبل مروري

مرور عزيز وغالي
من عزيزين وغالين
كل شرف بكم وبمروركم
دمتم ودام وجودكم

شاعرنا الكبير مقاماً القدير سطم فهد الخليل
ابو قهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح السانك الف

الشاعر سطم فهد الخليل
صح السانك الف

الشاعر سطم فهد الخليل 000 عسى كل لياليكم وايامكم افراح وسرور 000 صح السانك الف 000 ياخلف ابوي

اقتباس المشاركة الأصلية كتبت بواسطة المشرف العام شاعرنا الكبير مقاماً القدير سطم فهد الخليل ابو قهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

هلا وغلا ابو غازي
مرور غالي ومشرف من مشرفنا القدير
صح بالك وطاب فالك ودمت بخير وعافية