ديوان الشاعر / سطم فهد الخليل

قصيدة مشاركتي في حفل مخبم الشيخ خالد محمد البعيجان في مزاد تربة حايل

	خير مابه نبتدي واطيب مقال=ذكر من بيديه تصريف الحياة ياعزيز الملك ، ، يارب الجلال=طالبٍ ، منك الوقاعة ،والثبات وجمّلن في موقفي وبكل حال=وفي لساني لايجي فيه انفلات وبعد هذا، ياحضور ، الاحتفال=اكثروا ، على ، محمد ، بالصلاة ثم. اقول ، بقول خالد يوم قال=مرحبا مليون ، ومليون اتحياة ومرحبا ، مالاح ، براق ، الخيال=بكل منهو حاضراً حفل العصاة حفل شيخٍ مرخصٍ غال الحلال=حفل من لا يتقي عن الواجبات خالد البعيجان محمود الخصال= شيخنا ويزهاه نظم المفردات شيخنا ياشيخنا ، جاك المقـال=ياسليل المـجـد ياجزل الصفات ياوريث. الجود ،، ياجزل الفعال=ويازبون فعول ،، مجدٍ حاضرات نشكرك بعداد ،، ماهب، الشمال=وعد ، ماسمع ، المؤذن ، للصلاة وعد. فوق الروس مامال العقال=وعد ، روسٍ ، عقلهن ، متمايلات واللـه انك كاملاً في كل حال=طيب بد وطيب جد وطيب ذات وقالو كايد. حاضرٍ يابن الحلال=شيخ عبدة من العصور الاولات قلت كايد في حضوره وشيقال=القصايد ، عن مقامه ، عاجزات شيخنا . الزحزيح . شيال . الثقال=فزعة المضيوم ستر المحصنات هيلعين ، ماكرك روس ، الطوال=شامخٍ مثل الجبال ، الشامخات ياشموخ طوق ،، من بين الجبال=ياكـرم نهر ي ،، (دجلة و الفرات) مرحبا وحييت يا سمح القبال=ياوصي الطيب حفضت الوصاة لك حضورٍ زود المحفل جمال=بالاصول بالفعول وبالصفات والشعر ليامنْ، حضرله مجال=يفتخر بأهل الفعول الطايلات يفتخر بإسم الزحول من الرجال= بمثلكم يأهل الفعول النايفات واحمد الله من العمام ليالخوال=المناسب ، كل ابوهن ، عاليات كلكم من ساس من عمٍ وخال=ساس واحد بالاباء والامهات ولافرق ، من بينكم ، جاهٍ ومال=ولاحسود ، ولاحقود ، ولاوشاة شجرةٍ فيها ذرا ، وفي وظلال=جعلها تبقى على طول الحياة والصلاة عداد ، ما أذن بلال=علي خير الخلق راع المعجزات

سطم فهد الخليل

مشاركتي في حفل عائلة الحويفظ على شرف الاشراف

مشاركتي في احتفال الحويفظ على شرف الاشراف

	‏سلام يا ضيوف الحفل والجماهير= اول مايُبدا فيه توريد السلام وبعد السلام ياهل الوجيه المسافير=بالله لحظه شوي قبل ابدا الكلام ‏صلوا على اللي سيرته كلها خير=نبينا اللي اعز الله بالاسلام ‏والحمد لله خير وامن تياسير=في ظل منهم للحرمين خدام ‏العهد زاهر عهد رؤية وتطوير=وخيرٍ ويتابع خير من عهد الإمام والشعر حل ووردنّ البواكير=وأنا ليا منه حل لي دور واسهام ‏وأبدابذكر الله وحمدا وتكبير =واقول قولٍ واضحٍ به ادغام ‏يالله جملني بزين التعابير=عن كلمة يفرح بها كل لوّام ‏اما يدربيها على فوهة البير=ولا يحولها على حقول الألغام ‏وأعود للموضوع من غير تأخير=‏وأحط بالموضوع لي بصمة ابهام ‏حنا نتشرف يا دعونا المناعير=وناتى لو ان الدرب سيراً بالاقدام ‏وأن لبّي دعوة معزة وتقدير =لا و الله لا شيء مفروض و الزام ‏لبيك يا دعوة رجالٍ مشاهير =لبيك يالداعي لك إجلال وإكرام ‏دعوة صقور من خيار المواكير=‏ نوادرٍ ما بين غالب وغشام ‏ اللابة اللي ينطحون الطوابير=يومنّها في علط الارماح واحسام ‏عز الرفيق ويحتمون المظاهير=بني حويفظ للعدو عوق وكام ‏ ربعٍ لنا من دور عرار وأعمير=ما عرفها من اليوم والا من العام ‏ولو عنهم اب اعطي مسيرة وتقرير =تعييني الأوراق وتجف الأقلام ‏لكن رؤوس أقلام ونواصل السير =مع الضيوف اللي عزيزين وحشام يامرحبا ياضيوفنا ويامسالخير=ياشراف مكة ياعريبين الاقوام اسمٍ سطع من حد صنعا الى الدير=ومن الخليج لبحر جدة الى الشام متميزينن يالهواشم عن الغير=في عصرنا الحاضر ومن قبل الاسلام اسمٍ كبيرٍ مايبي زود تكبير=مثل (علم سلمان ) من بين الاعلام ويامرحبا قدر. ومعزّه وتوقير=في حفلةٍ تجمع بني عم وارحام الله يحييكم ولكم كل تقدير=تحيةٍ بعداد من لبس الاحرام هلا على الهيل الخضر بالمباهير=والعود الازرق بالمباخير قدام وحياكم الله ومرحبا يالمسافير=على صحونن حملوها بالانعام في حفلة اللي يكرمون الخطاطير=ولهم بميدان الكرم تاج ووسام وقبل الختام اقول قدم الجماهير=ياطيور شلوى ياعزيزين ياكرام العذر منكم كان بالقول تقصير=بذلت جهد وباذل الجهد مايلام هذا وصلى الله على قايد الخير=بعداد من صلى ولبى ومن صام

سطم فهد الخليل

في ليلة من ليالي الافراح سعدنا بزواج الشاب مليح جزاع الخليل
وتشرفت بالمشاركة بهذه الابيات

في ليلة من ليالي الافراح سعدنا بزواج الشاب مليح جزاع الخليل وتشرفت بالمشاركة بهذه الابيات

	يالله اني باديٍ في خير بادي=باديٍ بسم الاله وبه رجاوي ويالله اني طالباً منك السدادي=جملن بالقول في هديٍ سماوي ويالله اني ، ما اهيم بكل وادي=ويتّبعني ، كل منهو كان غاوي وفقن يارب لسلوب الرشادي=عن كلامٍ به ميول وبه ملاوي وبعد هذا مرحبا ماله اعدادي=بالحضور بمحفل الحر النداوي مرحبا ممزوجةٍ في ريح كادي=عند ابو عواد بعيد الهقاوي عند منهو شاد للعليا شدادي=وللعلوم الطايلة والطيب حاوي ضيغميٍ فاز في طيب المبادي=وان ذكرته بالكرم عدٍّ رهاوي ذبحة الحشوان لضيوفه وكادي=والعطى يعطي مزايين ٍ هداوي ومن رجالٍ صيتهم يوم الطرادي=يفرح الصديق ويغيض العداوي وان حصل به مثل نهار التنادي=بشر الضميان في ورد المراوي ويوم كلٍ في فخر ربعه ينادي= الفخر في ربعنا يوم العزاوي مانقوله للـمهايط والدوادي=ولانقوله لجل ننقل قول راوي خابرين ونذكر الشي الوكادي=بالصحيح وماعلينا به زراوي ولو ازيده زاد قولي واستزادي=لكن اوجز لايجي قولي ارشاوي وان دعانا للحفل ناتيه. بادي=ما نتردد بالحضور ولا نراوي وله نوقف موقفْ ماهوب عادي=نصخر القيفان لين انه تهاوي نصخر القيفان ببـوتٍ جدادي=لين ياتن كنهن هجن اللحاوي وانت يامليح ، كساب الجوادي=عطرك الريحان وانته عود جاوي بارك الله لك بزرعك والحصادي=في نهارٍ تلبس البشت الحساوي وفالك التوفيق من رب العبادي=واهب الارزاق جزيل العطاوي وانا لجلك جبت جدي واجتهادي=(وانت مع ابوك) بالقدر متساوي وتمّت ابياتي بنظمي واعتمادي=مادخلهن مستعار ولا شراوي

سطم فهد الخليل

في مناسبه عشاء اقامه عويد شريده الخليل
على شرف الشيخ مهنا حمود الرخيص عند الابل
شاركت بالابيات التاليه

في مناسبه عشاء اقامه عويد شريده الخليل

	البال رايق واقبل الشعر ونقاد =يختال بفنونه واقف له واحييه ينقاد لي ورد مثل ورد الاذواد = وآخذ منه شي وشي اخليه اخذ منه شي يناسب للأجواد =ماطاب منه لطيب الراس نهديه يامرحبا ترحيبة ماله اعداد =بالشيخ مهنا حمود يامرحبافيه ابن رخيص اللي بنى مجد وشداد =اسم من الاسماء نعزه ونغليه يامرحبا مني على لسان عواد =عواد ابو مشعل عسى الله يقويه يابن رخيص المجد باقي وينعاد =مجد يابن رخيص نفخر بطاريه وما بيننا ارث على دور الاجداد = ماضٍ عريق وحاضر اليوم حاميه وياخوان ميثا يوم هي ملح وزناد =انتم ذرى اللي جاير الوقت حاديه ويبقى لكم مجد على روس الاشهاد = بالموقف اللي كل حي دري فيه ابن رخيص ونازل حد الاجراد = قال اقبلوا وانتم هل البيت ياهيه بيت علم ياللي عن البيت نشاد =من شعر عبدلله وانا اليوم احاكيه ومفاخر الاجداد تبقى بالاحفاد = بولد الولد او واحدٍ من بنيخيه

شعر سطم فهد الخليل