رد ثنا للاخ العزيزفهد طليحان الرمالي

قصيده للشاعرفهد طليحان الرمالي بيض الله وجهه

يامشعَلْ العَسّام مِسِّيت بالخير=دَلّيت بيتَكْ يوم شُفْت المنارَةْ
وعَرِفْت بيتك يوم شُفْت المباهير=(ظ¢)والعود الازرق باوَّل السوق شارَةْ
حِيّييت يابيت لفُوه المسايِيْر=(ظ£)بالطيب واهْل الطيب دايم شعارَهْ

آقولها جازِمْ ولِلَّه تَدْبِيْر(=ظ¤)وماهي على ماقِيْل عندي شطارَةْ
يِهْتَاض فكري يوم اشوف المناعير=(ظ¥)اللي مجالِسْهُمْ عظيمٍ وقَارَهْ
اللي لهُمْ في كلّ ماجوب تَحْظير=(ظ¦)واللي لهُم في كل سَنْعَةْ تجارَةْ
عيال عمّي شاعمين المباخير=(ظ§)صبيان شمّر مِدْركِين الشكارَةْ
بالطيب مايَبْدُون لَكْ بالمعاذير=(ظ¨)وشَبّاتهُمْ في كل شارع وحارَةْ
عِدَّك على هَدّاج مع سالِمْ الزير=(ظ©)حنّا خذيناها بعَزْم وجدارَةْ

قال الرمالي صفّقُوا يالجماهير=(ظ،ظ*)وشِيْلُوا قصيدَةْ شاعرٍ يَمّ دارَهْ
دارٍ لها بالنَفْس حظوَةْ وتَقْدير=(ظ،ظ،)شوقِيْ لها شوق الحنون لـ صغارَهْ
من بَعْدها زادَتْ علينا العوَاثير=)ظ،ظ¢)ودار الزمان ودُرْت انا مع مدَارَهْ
اوَّل بها مانَشْكِيْ من المكادِير=(ظ،ظ£)فيها الوناسَةْ والطنَخْ والبشارَةْ
(ياضاق صدري جِبْت وَقْدَةْ جثامير=)(ظ،ظ¤)ووَلّعْت فيها بالصليخَةْ شرارَةْ
وزَلّيت فنجالٍ به الهيل تَغْزِيْر=(ظ،ظ¥)مِبْعِدْ عن اهل المدن واهل الحضارَةْ
في مَرْقَبٍ بين ام سُنْمَان وحفير=(ظ،ظ¦)طعسٍ يشُوْقَكْ مع لِيَانَهْ حَمَارَهْ
مِجْلَاسَهْ احلى من حليب المصاخير=(ظ،ظ§)هي مِنْوَةْ الضايِقْ اليا شَبّ نارَهْ
مايَشْكِيْ الزَحْمَةْ وطُول الطوابير=(ظ،ظ¨)والدايِرْ الشرقِيْ وسِكَّة قطارَهْ
ويامشْعَلْ العسّام مسّيت بالخير=(ظ،ظ©)يازين بيتَكْ من وراه المنَارَةْ

===============
فهد بن طليحان الرمالي

ــــــــــــــــــــــــــــــــــــــــــــــــــ ـــــــــــــــــــــــ

يامرحبا عداد مارفرف الطير=بالي لنا ساق البيوت بغزاره
بالشاعرالي حضرالشعرتحضير=وابرق بقيفانن يهيل اختياره
مني لشخصك يابيض الوجه تقدير=لك يالرمالي منزلٍ بالصداره
لبست في شعرك وسام المناعير=روس الرجال الي به المجد شاره
وانا لزوم اصخر الشعر تصخير=وامدح واصخرلك جزيل العباره
لبستني ملبس طوال الا شابير=لاهنت ياراع الوفاء و النعاره

ومدح الرمالي تاج عزن وتقدير=للي على راس الفخر به جساره
شكرا عددرسم القلم والطباشير=واعداد من ينصى الحرم للزياره
واعداد مايذرى هبوب المعاصير=واعداد من يهوى فنون التجاره
اطلب لك اللي كورالارض تكوير=حفظك من سوالحيات وخطاره
اللي خلق خلقه على خير تقدير=سبحان عازل ليلها عن نهاره
وصلاة ربي عد وسم المباكير=من مدلهمن ساقه الله وداره
على الرسول الي لنا وضح الخير=وصلو عليه اعداد ماشرق نهاره

((( اخوك مشعل بن عسام بن غافل التريباني ))))هجري
وارجوالمعذره عن التقصير