ديوان الشاعر / ضاري الزوبعي

اهل الموايد بالصور تتقن الزوم

	المدح صيغة شعر واضح ومرسوم=لو كان ما هو شرط دايم اساسي تلقى به اغراض الشعر توصف قروم=من منطلق تسييس ما لا سياسي يكتال به منهو عرف نية القوم=وزنه على طبخ القصايد حماسي ويعتاش به ..شاعر عن الجزل مفطوم=الرابع اللي عاش دور الخماسي وانا لقيت المدح ما هو بملزوم =يزيد جوه بالقصايد ...عماسي عن ما يلي سمع الحشيمين محشوم =وما كل رجلن بالرجال متوووواسي لا تمدح اللي بالردى طيره يحوم=لو هو موزع للقبايل...جناسي تقول فيه الشعر بالوصف معدوم=يا خامسن ما عاش جو السداسي اهل الموايد بالصور تتقن الزوم=تلقى لرداهم بالفلاش انعكاسي بعض المساري لو يجي منها لوم =خلك مثل ذيك الجبال الرواسي اليا نخاك صويحبك فز له قوم =خلك لاجل حق الصديق انغماسي ياللي عليك الشعر تنعق له البوم =حرر كتاب الشعر جاه احتباسي كان الهدف ..في غاية البوح محسوم =وش فيه طاير ..من عيوني نعاسي كثروا دعاة الزور ..في وضع مشؤوم =فيه التنابل ..معتلين الكراسي

#ضاري_الناهض

يا نايف الدنيا هموم وتباشير

	يا نايف الدنيا هموم وتباشير=يالله عسى في قادم الوقت خيره مرت سنيني والليالي معاسير =وحنا لها يوم الليالي عسيرة صدري مدينة غرد بغصنها طير =طير الاماني والمدينة كبــــيرة حنا تخاوينا وكانت مشاوير=من اليعربية والدروب الخطيرة راحت براس العين ذكرى لنا غير =وصدرونا ضيق الليالي يديره وفي اورفا لين اتعبتنا المقادير =لحد الرياض وخوتك مستنيره ما تذكر الوقفة على مفرق تمير=جيران صرنا في مدينة عشيرة يا صاحبي قدري معك دايم يسير =تسري معي بدروب كانت كثيرة يالله عسى في ما مضى نصبح بخير=ويالله عسى بالامر يالذيب خيره

اسرع علاقة حب عشــــته حوالي=اربع خمس ساعات يمكن ...زياده
كانــت بدايتها قصيد ارتجالــــي =لين وصلت وش تحت ذيك القلادة
حتى عرفت الحب ما هو مجــالي =ولاني مراد اللي بغانــــي مراده
الحب .. للي يسهرون الليالــــــي=للي دموعه فوق خد الوسسسادة
الحب للي من عنا الوقت ...خالي =ما شاف من دنيــاه هم ونكاده
اول يعيش الشوق جمر اشتعالي=واليوم طافي في خفوقي رماده
يمكن كبرنا ..واصبح القلب سالي =ويمكن نسى هالقلب غاية ودادة
وانا اكتشفت الحب شيئاً خيالي=خسران من يزرع ويتنــى حصادة
بدايتــه يا شوق وينك تعالــي =ونهايته وش حدر ذيك القلادة

كان القصايد ما تواتي لها عنق !

	كان القصايد ما تواتي لها عنق = وش علقه برقاب ضايع دليله علق حباله واطلب احكامها شنق = واسأل كليب شلون فك الجليله وانا جديدي بالشعر قافية لنق =توي سحبت سراجها والفتيله مضمونها موقف ولا اشريه بفرنق= لأهل الخناعة والردى والرذيلــــة قفل الرجال صدورها تزنقه زنق = خافيه خافي ما يجيب الفشيلة وبعض الصدور بسرها تنخق خنق = يصير يتقرّوص لين ينشر غسيله

ماني مدور عندهم بيضة الديك !

	قالوا لي امدح ،، بالشعر ياخـي شفيـك = يمكن يصير او ما يصير يـتصـيّر انت الذي .. والفً نعم .. واقبض الشيك = واوضاعك اللي من زمان اتــغيّر قلت اصبر اصبر .. واستمع دامها هيـك= الله خلقني يالبـناخــي مخــيّر مادامك بصحّــتك مالله موازيـك = وجهـك على بعض الكلام يتـطـيّر رزقـي انقسم من قبل امك تناغيـك= والادمـي بأقدار ربــه مســيّر ما جيت ادور عنـدهم بيضـة الديك =ولا جيـتهم مبطـي ولاني مســير اللي عطاك ان كان ما هو بيـغنيك = وش لك بـرقـمً في حسابك صغيّر ما يجيب لك وجبات من مطعم البيـك = من حيرتك فيها وقعت بتــحـّير وجه الكريم اللي اذا قال لبيــك = لا جيت يمـه قال طـب وتخـّير اما عطا تـّثقلْ من حمولــه يديك = ولا عن دروب المدايـح تذيــّر

يالحاضر اللي صار من ذكرياتي

	اكره هدوء الليل لا حل بي ليل=واخاف من فكـري وجلدي لذاتي تعصف بي الذكرى ويخمد بي الحيل=واعيش في ضجة حـنيـني سكــاتي كانــت ضلوعي للامــاني مداهيـل =واليوم احارب في ضلوعي..! شتاتي ما تعبت متوني ولا احترت بالـشيل=صامد ويلــمع في عيــوني ثبــاتي دايم اقول ان السعد بـ المقابيـل=في سهوتي في صحوتي في مبــاتي يلي عليك القلب يصهل كـما الخيل=كنت الامــان ومنــيتي وامنــياتي لجلك نسجت من القصايد مواويل=فيـها بقــايا من عبـــق ذكرياتــي لـ ذيك السوالف والسهر والتعاليل=والضحكة اللي فارقة يا غـلاتي من قبل اعرف الجدي واخاوي سهيل=كنت دليـلي وانتــي اربع جهــاتي واليوم ذكرى عانقت عتــمة الليل= يالحاضر اللي صرت من ذكرياتي