ديوان الشاعر / مشعل عسام التريباني

يقول ولدي عبدالرحمن

العقل ينفخ بك القولون نفخ الصميل=محدن يفيدك اليامن قام ينبل نبل
لابدمن ساعتن فيها تصيرالهبيل=تجًردماغك وتنعم في نعيم الخبل

((((رديت عليه اقول)))

كثر اللجلجه

	اناشهد انك كتبت ابيات شعرن مهيل=واخترت جزل البيوت الي تنيرالسبل العقل راعيه يتعب والدهربه يميل=مع عالمن تدبل الكبد السليمه دبل= ناسن مزاهيف هرج ويرغبون الهزيل=يجيبهم يم هزل الهرج طق الطبل لفو علوم الرجوله تحت كم الشليل=وحاسوزهر نبتة الحنضل بنبت الربل خطو الهبيل السفيه الي علومه تهيل=واليا فتشته لقيته مثل ورد زعبل خبلالياجالمجالس قام يصهل صهيل=ويله على اللي عن اللجه يهبله هبل الي لياجاالمجالس قام يهذل هذيل=ودك تربًط حنوكه في شديد الحبل نصيحتي للرجال الي تشيل الثقيل=لاترخصون الرجوله في مسمى طهبل تر الرجل كان مهو بالسوالف بخيل=ينقص مقامه ويحذف من مسماشبل

((مشعل عسام الغافل التريباني))
في ٢/٧/١٤٤٥هجري

قصيده للشاعرفهد طليحان الرمالي بيض الله وجهه

يامشعَلْ العَسّام مِسِّيت بالخير=دَلّيت بيتَكْ يوم شُفْت المنارَةْ
وعَرِفْت بيتك يوم شُفْت المباهير=والعود الازرق باوَّل السوق شارَةْ
حِيّييت يابيت لفُوه المسايِيْر=بالطيب واهْل الطيب دايم شعارَهْ
آقولها جازِمْ ولِلَّه تَدْبِيْر=وماهي على ماقِيْل عندي شطارَةْ
يِهْتَاض فكري يوم اشوف المناعير=(اللي مجالِسْهُمْ عظيمٍ وقَارَهْ
اللي لهُمْ في كلّ ماجوب تَحْظير=واللي لهُم في كل سَنْعَةْ تجارَةْ
عيال عمّي شاعمين المباخير=صبيان شمّر مِدْركِين الشكارَةْ
بالطيب مايَبْدُون لَكْ بالمعاذير=وشَبّاتهُمْ في كل شارع وحارَةْ
عِدَّك على هَدّاج مع سالِمْ الزير=حنّا خذيناها بعَزْم وجدارَةْ
قال الرمالي صفّقُوا يالجماهير=وشِيْلُوا قصيدَةْ شاعرٍ يَمّ دارَهْ
دارٍ لها بالنَفْس حظوَةْ وتَقْدير=)شوقِيْ لها شوق الحنون لـ صغارَهْ
من بَعْدها زادَتْ علينا العوَاثير=ودار الزمان ودُرْت انا مع مدَارَهْ
اوَّل بها مانَشْكِيْ من المكادِير=فيها الوناسَةْ والطنَخْ والبشارَةْ
(ياضاق صدري جِبْت وَقْدَةْ جثامير=ووَلّعْت فيها بالصليخَةْ شرارَةْ
وزَلّيت فنجالٍ به الهيل تَغْزِيْر=مِبْعِدْ عن اهل المدن واهل الحضارَةْ
في مَرْقَبٍ بين ام سُنْمَان وحفير=(طعسٍ يشُوْقَكْ مع لِيَانَهْ حَمَارَهْ
مِجْلَاسَهْ احلى من حليب المصاخير=(هي مِنْوَةْ الضايِقْ اليا شَبّ نارَهْ
مايَشْكِيْ الزَحْمَةْ وطُول الطوابير=(=والدايِرْ الشرقِيْ وسِكَّة قطارَهْ
ويامشْعَلْ العسّام مسّيت بالخير=(=يازين بيتَكْ من وراه المنَارَةْ

===============
فهد بن طليحان الرمالي

ــــــــــــــــــــــــــــــــــــــــــــــــــ ـــــــــــــــــــــــ

رد ثنا للاخ العزيزفهد طليحان الرمالي

	يامرحبا عداد مارفرف الطير=بالي لنا ساق البيوت بغزاره بالشاعرالي حضرالشعرتحضير=وابرق بقيفانن يهيل اختياره مني لشخصك يابيض الوجه تقدير=لك يالرمالي منزلٍ بالصداره لبست في شعرك وسام المناعير=روس الرجال الي به المجد شاره وانا لزوم اصخر الشعر تصخير=وامدح واصخرلك جزيل العباره لبستني ملبس طوال الا شابير=لاهنت ياراع الوفاء و النعاره ومدح الرمالي تاج عزن وتقدير=للي على راس الفخر به جساره شكرا عددرسم القلم والطباشير=واعداد من ينصى الحرم للزياره واعداد مايذرى هبوب المعاصير=واعداد من يهوى فنون التجاره اطلب لك اللي كورالارض تكوير=حفظك من سوالحيات وخطاره اللي خلق خلقه على خير تقدير=سبحان عازل ليلها عن نهاره وصلاة ربي عد وسم المباكير=من مدلهمن ساقه الله وداره على الرسول الي لنا وضح الخير=وصلو عليه اعداد ماشرق نهاره

((( اخوك مشعل بن عسام بن غافل التريباني ))))هجري
وارجوالمعذره عن التقصير

بندرحويل العتيبي:

يامل قلبً غرته كثر الاوهام =يالين برق فالسنين الاخيرة
وقتً تغير وانقلب يابوعسام =يالله عسى في تالي الوقت خيره
راحت مجالسنا تصاوير وافلام=اسناب وتويتر وغيره وغيره
يامال فرقا العين كلن له اخصام=ويبي يطلع سيرته للعشيره
يقول انا عنتر وانا نسل الاكرام =يارب عفوك يوم كشف السريره
وقلو هل الشيمه هل الموقف الهام=اللي يحلون الامور الكبيره
مجالسً شينه وحاسد ونمام=الله يجنبنا الوجيه الشريره
من لا اتقى ربه على دين الاسلام =لانافعً نفسه ولا سر غيره
حتيش لو يملك بساتين وانعام=بكره تزول وعاقبتها ضريره
وانشدك يامشعل من اللي ورى العام =يالشاعر اللي مايخونه ضميره
وختامها صلو على خير الانام=صلو عليه ومن مشى في مسيره

الشاعر/ بندر بن حويل العتيبي.




(((((استلم الرد)))))

مساجلات بيني وبين بندربن حويل العتيبي

	حي البيوت اللي تسجل بالاقلام=من شاعرن جاب البيوت المثيره يابندربن حويل يانسل الاكرام=الوقت بالاجواد قاد المسيره اصبر كثير اتشوف تغيير الايام=وقتن على الاجوادسواء كسيره تخالطت فريسها هي والاقزام=والحر جاه الديك واعمى نظيره لاشك ياشفت الثعل يسهم اسهام=عينك عن الهسات خله ظريره سكر عيونك عن خطاكل مقدام=وخل السفينة تتجه في مسيره منته بمكلوفن بتعديل الانام=لاتكشف المخفي وتحدث سعيره العفو عند المقدره طبع الاكرام=سج القدم لعل بالامر خيره ولاتسكب البترول باالمجحمه دام=في سكبت البترول يحدث سعيره

((اخوك مشعل عسام التريباني))

نصيحه لكل من يقطع ارحامه الله يرفع عنهم ولايبلانا

نصيحه لكل من يقطع ارحامه الله يرفع عنهم ولايبلانا

	ياصار بيتك مايجونه قرابتك=واتصد ياشفت الرفيق الموالي ياعزتي للي نشتبك وجابتك=ياصرت ماتفرح اليا جاك غالي نسيت حق الله وبدّيت رغبتك=وذلفت مع دون من الناس خالي وحلٌت بك الضيقه وقلٌة مهابتك=وابليس في غاربك شدالحبالي ذرّيت بعيون اقرب الناس شبتك=واسقيت شيطانك قراحن زلالي قادك قرينك بالرسن لين ثبتك=وصدك عن القبله وردك شمالي يالي على الادنين طولت غربتك=وشديت عن دار القريب الرحالي عزالله انك زاد همك وكر بتك=لعبّك الشيطان يابن الحلالي ارجع لرشدك واستزدمن رحابتك=تر القطاعه من عيوب الرجالي ياصار خيك ماتحوشه محبتك=اناشهد انك منت له راس مالي

(((((((مشعل عسام التريباني ))))))))في هجري

ابومحمد ماجد مطرود الضوي الشمري

	ابومحمد جعل ربي يشافيه=حلو النبى راع الحجاج الطليقي طهور يالي كل الاصحاب تغليه=سمح المحياء خاطره مايضيقي قرمن ينومس كل ماحل طاريه=بشوش وجهن يانصاه الصديقي ياعل عبثات المقادير تخطيه=ملفا الرجال وتاج راس الرفيقي ياعل ماصابه يزيد بحسانيه=ويمحى ذنوبه جلها والدقيقي يمسح مأسيٌيه ويرفع حسانيه=ويجيره الله من لهيب الحريقي يالله من سو المقادير تشفيه=عسا ه يسلم من بلا كل ضيقي اللي مع الاجناب يفرح عوانيه=سوالفه تشبه لحلو الرحيقي يفرح بني عمه ويغضب معاديه=وعلادروب الطيب دايم شفيقي طهور يالغالي عسالله يشافيه=وعساه من سوالمخاطرعتيقي

(اخوك مشعل عسام التريباني)

الكلمت القاسيه ياجت من اقرب قريب

	الكلمت القاسيه ياجت من اقرب قريب=احرمن سم الافعى في صميم الفوأد تحرق خلايا المحبه والهقاوي تخيب=وتشوي قلوب الاقارب مثل شوي الجراد وفرقا قلوب الولايف من ردات النصيب=تحصد جذور المحبه للرفاقه حصاد وقطيعت الرحم علن حارفيه الطبيب=غيبو بتن لوتعالج صاحبه مأستفاد حاولت جمع الاقارب بس هل من مجيب=الناس تالي زمنها ترغب الانفراد ياهيه ياللي علينا لابسن جلد ذيب= شيطان فكرك قدح بك مثل قدح الزناد ياللي على الي يحبك لابسن جلد شيب=وش فيك ترخي على الدانين حبل الجواد

[[[[[[[[مشعل عسام الغافل التريباني]]]]]]]]