سالفة أبو عبدالله المهوي

يقولكم فيه شايب اسمه ابو عبدالله ؟ ابو عبدالله هذا ياطويلين العُمر كان بيطلع مع خوياه يصيدون ضبان وهم فالطريق قالهم واحد من خوياه ان فيه رجال
رمى ضب وصوبه وخفسوا به الجن والعياذ بالله وخيروه بين المويه واللبن وقال][وجعلنا من الماءِ كُل شئً حيّا][
وفكوه الجن خلوه يطلع المهم ابو عبدالله الرجال هذا تقرووش من السالفه مانساها المهم طلعوا يصيدون وعطوه يرمي مادروا ان اللي بيرميه ابو عبدالله
ورل الوكاد رماه الرجال وانحاش الورل وقاموا خوياه يروعونه يذكرونه بالرجال اللي خفسوا به الجن وانهبل ابو عبدالله قال لاوالله إلا سروا بي
الوكاد دقوا خيمتهم واخذ فلااشه (( فراشه على قولت ابو عبدالله )) يبي يرقد بس لاحظوا الذيب ابو عبدالله مايبي الجن يخفسون به اخذ فراشه وراح لصندوق الددسن عشان مايخفسون به
وفراشه من الكيس اللي فيه سحـّاب يتسكر /دخل ابو عبدالله بالفراش وسكر على نفسه ورصّ عمره بالفراش خوياه ناموا وهو خايف لايخفسون به
الجن يقول والله اني نسيت القُرآن كله ماذكرت الا وجعلنا من الماء كل ُ شئً حيا /يوقال العصر شايفين نياق همل ][ضايعه=مالها راعي][خخخخ < إسلمي بس
جاء تالي الليل وابو عبدالله صاحي مارقد يقول غفيت شوي والا والله اني اشم ريحة الثرث][حسب نطق ابو عبدالله خخ خخ يقصد الفـَـرث ][يقول يوم شميت
الريحه يقول واغمض مابي افتح اشوف وشلون يخفسون بي يقول وترفعني الناقه اول مره وينهبل ابو الشباب يقول ثاني مره وترفعه وتخبط به فالصندوق
وطار عقله يقول يوم شالته ثالث مره وتصقع به بكل قوته تحسبه كيس شعير تبيه ينشق الناقه ويصيح بطول صوووته وجعلنا من الماء كل شئً حياااا
ويتناقزون خوياه يوم جو يحسبون خويهم خفسوا به يوم جوه ويلقون الناقه جمب الموتر ويتسدحون ضحك عليه ومير تقوم دميعات ابو عبدالله خبط من الروعه والفشيله..