شمري و مطيري

ما يحتاج مقدمة


هذه قصيد وجهها عواد بن شامان الشمري الى صنيتان بن مزيد البرازي المطيري

لا ضاق صدري من حلوق العصافير= البعد به كيفي وراحة ضميري
اسج رجلي وانتحي وابعد السير= وأقدا لحمران النوظر مسيري
قلبي يحب مطير ومرافق مطير= احبهم لو ما انتسابي مطيري
أهل السموت مدلّهين المسايير=اللي يعزون الخوي والعشيري
برباعهم صفر الدلال المباهير= وقت الرخا ولا الزمان العسيري..
وان جاء نهار فيه شر بلا خير = وجاهم من الخصم المطرّف نذيري
ولحقوا على اللي مثل أفام الخنازير=اللي يردن للكمين المغيري
حقب العيون مسودسات المسامير=اعنته بلحيها له صريري
وحطن على الجمع الموالي معاصير= بكرارة منها يشيب الصغيري
تشوف جدع الروس مثل الشنانير= واللي سلم منهم قضيب وكسيري
كم راس قوم به نوان وسعاطير= فرّش تراب عقب فرش الحريري
فريّس ما هو صف حكي وتصاوير= ليا عمست الارياء وضاع المشيري
وقفاتهم ما ياقفه سالم الزير= بيوم عبوس قمطرير كبيري
يتلون فتخان تهز الطوابير= ليا كبرت القاله تحد النحيري
دوشان يا جا الحكي زود وتقصير= حبل الزعيم اللي بغاهم قصيري
في رأي فيصل شوق عكش الغنادي=صخاف الوسوط مهلكات الغريري
الشيخ ابو بندر صبي المخاسير= لا ثارت الهيجاء وعمي البصيري
تفرح بهم حم الشعاف الخواوير= حرد اليدين مخوضات الغديري
يٍقرون باللقوات عكف المناقير =برق الطيور مراوزات الحفيري
بيمانهم حدب السيوف البواتير=اللي تلامع مثل ريش الزعيري
وشلف مضاربها تفج الاباهير=ويبرأ بها غل المغل الحسيري
مركاضهم تضيع فيه المداوير= يا ما تعشوا من شناح وميري
ولا قلتها وابي وراها دنانير= تعبير... وارجو المعذرة بتعبيري

وهذا رد صنيتان بن مزيد البرازي المطيري

الشمري عبر عن الفكر تعبير= وانا بعد عبرت ما في ضميري
يقول احب مطير ومرافق مطير= اللي لهم بالقلب شأن كبيري
عواد شوق اللي نهوده مزابير= ناب الردوف اللي نهدها صغيري
من روس قوم تشبع الذيب والطير= أهل المواقف بالنهار العسيري
شمر أهل الضمّر حمات المظاهير=وساع الرباع مدلهين القصيري
ان شفت يا عواد بالجو تعكير=كوست يخبن خاطرك بالمسيري
البعد عن دار بها صوير وعوير= ترى القراد صغير يقزي البعيري
ارفع مقامك عن مقام المثابير =خباث النفوس اللي مداهم قصيري
سج القدم مع واسعات المعابير =الله جعل درب النشاما يسيري
شفي وشفك شوف عشب ونواوير= ونخوص بالرجلين نقع الغديري
قفرا خلا.. عشبه يجي له دواوير= ولا تشوف كود القوبعه والقميري
وروس الهضاب الشامخات الشواهير= اللي وصفها بالمقال السديري
تشوف في عينك سناد ومحادير= وتشرف على ورد العرب والصديري
يا ما حلا شوف الدبش والمقاطير = سود البيوت اللي تسر النظيري
بيوت سمحين الوجيه المسافير=اهل الصخا والجود ريف الفقيري
اهل الفعول الطيبات المناعير= فكاكت المضيوم والمستجيري
اللي قراهم من حليب المصاغير= ما قلطوا للضيف قوطي عصيري
الضيف له حشمة وشيمه وتقدير= ليا طب وسط بيوتهم كالوزيري
والحضر ما فيهم عن البدو تقصير= الطيب لاهل الطيب مهما يصيري
الحضر فيهم طيبين ومشاهير= فيهم رجال أفعال شر و شريري
والعلم واضح ما يبا زود تكرير =ارجو عسى ما احد(ن) يسئ تعبيري
وصلاة ربي عد وبل الشخاتير= وعدت نجوم(ن) بالفلك تستديري
على رسول فسر الدين تفسير= شفيع الامة يوم شخص البصيري

هلا بك يابو ثلاااب

وشكرا لك على جلبك لقصيدتين

تحياتي

تسلم على هالقصيدتين

جلب موفق

لاعدمناااااااااك

سعود الخالدي

قصائد رائعه وتحمل في طياتها الكثير

لاهنت على النقل ..

لاهنت ياسعود وبيض الله وجهك

اختيار جميل ورائع

بنتظار مزيدك المشوق والمميز

تقبل فائق واروع تحياتي

بالخير يالخالدي


مصخوناااا عيال عمي بهالكلمه الجلب لغنم ههههههههه لكن ماعليهم شرهه حظر كخخخ ولا يعرفون بس انا اعرف هع هع

قصيدة رائعه وصح لسان الشاعر والناقل

ويعطيك العاافيه

لاتحرمنا جديرك

تحياتي..

تســــــــــــــلم / اخونا / ســـــــــــــــعود

صح لسانك ولسان الشعااااااااار الشمري ابن شامان ، والمطيري البرازي

أشكركم كثير الشكر على ها الإطراء والثناء

ولا هنتو يا سعد 2006 والقالش وأجا وابو نوره وسلطان الخلف وأبو وغازي

كل الشكر لأبو غازي مشرفنا الغالي على التعديل

اقتباس المشاركة الأصلية كتبت بواسطة اخو نورة بالخير يالخالدي مصخوناااا عيال عمي بهالكلمه الجلب لغنم ههههههههه لكن ماعليهم شرهه حظر كخخخ ولا يعرفون بس انا اعرف هع هع قصيدة رائعه وصح لسان الشاعر والناقل ويعطيك العاافيه لاتحرمنا جديرك تحياتي..

:poster_ban:
أخو نوره
ياليتنا من حجنا سالمينا....

تصحيح أملائي
الجلب لغنم ===> الصحيح أن تقوول الجلب للغنم ...وبعدين تكهكه على كيفك
حظر ====> الصحيح هي كلمة حضر ..أما الاولى تعني المنع
وبعدين ياأخو نوره وباللغه العربيه
كلمة يجلب تعني يأتي بالشي الكبير وهاهو اخونا سعود جلب لنا قصيدتان جميلتان وثقيلتان بالمعنى .
ولا تخلي تفكيرك بس بالشياه والغنم والمرااح .........:thumb_yello:

تحياتي لك ياأخو نوره وللجميع :beer:

ههههه

كل الشكر لك يا ابو سامي على التوضيح ... هذا اللي اقدر اقوله