أجمل قصائد محمد احمد السديري

أجمل قصائد محمد احمد السديري

شىءٍ بقلبـى يامـلا حايـرٍ فيـه = شىءٍ تحير بـه العقـول الفهامـي
مخفيه بفـوادى و لا ودى ابديـه = وادور الخيـرات شـرقٍ وشامـي
احترت به ما شفت شـىءٍ يحاليـه = واليوم أنشد عنـه مانـى بكامـي
سيلٍ حدر مع وادىٍ غيـر واديـه = مـدرى حـلالٍ مـاه والا حرامـي
كانه حلالٍ جايـزٍ شـرب صافيـه = وش حلله يامفسريـن الحـلامـي
هاتوا تفاصيلـه وهاتـوا معانيـه = نبى الدليل اللـى عليـه الكلامـي
نبي دليـلٍ يفهـم الـدرب ماشيـه = يمشي به التايـه بليـل الظلامـي
يمشي به التايه ويقـدى مواطيـه = ويشرب قراح الما ليا صار ضامي
لاشك هجسي يـوم خـلا مماشيـه = انـه حـرام ومنـه زود الاثامـي
احرم من الزقـوم مـره وحاليـه = وشربه على الضامى يزيد الهيامي
الله مـن قلـب همومـه تقـزيـه = تدك بـه مثـل الجـراد التهامـي
من ما جرى قامت تتلـه مشاحيـه = تل الرشا من فوق هدف المقامـي
روابـعٍ قامـت تصيبـه وتخطيـه = شاف الهوايل واختـلاف الاسامـي
ما يسمع الداعى ليا قـام يدعيـه = يعوم فى بحرٍ مـن الهـم طامـي
ما ينتبـه للـى بصوتـه يناديـه = يزيـد همـه يـوم كـلٍ ينـامـي
يشـوف وقـتٍ ماعرفناتوالـيـه = وقتٍ يشّيب منـه ابـن الفطامـي
يا بعد شرب الما على كبد راجيـه = ما سيل الغبرا زعـوج الجهامـي
انبيك يا من كلمة الحـق ترضيـه = اعطيك ما ينفعـك وافهـم كلامـي
قصـرٍ يذلـك لا تقابـل مبانـيـه = خله عسى شامخ طويلـه هدامـي
خله عسى ما صاب اغادير يفنيـه = يودع منازلـه الطويلـه رجامـي
لوزان مدخالـه وطالـت حواميـه = شيّد على الخيبه قليـل الرحامـي
وحىٍ يوريـك المـذ لـه وتغليـه = أنا أشهدأنك ميـت القلـب عامـي
مـن لا يـودك لا تـوده وترجيـه = ارفـع مقامـك ياعزيـز المقامـي
ارفع مقامك عن عـدوك وتوذيـه = ويلحقك من تركت رفيقـك ملامـي
حـق الرفيـق وواجبـه لاتخليـه = يلزمك مثـل الوالديـن الحشامـي
اخترعزيز الجار والحـق يعطيـه = شبلٍ على هـرجٍ يقولـه يحامـي
مادك به عرج المـذ لـه وطاريـه = يسبق على فعل الفضيلـه شمامـي
ومن قارب الاجرب بالامراض يعديه = عدواه تسطي باللحـم والعظامـي
درب السلامـه بينـاتٍ مماشـيـه = ودرب العطب يّرث عليك اللكامـي
ابعد وقلبك نـازح البعـد يشفيـه = وتلقى عن الدار البغيضـه مقامـي
دارٍ بدار وداعـى الـذل عاصيـه = ولا تقبل الذ له نفـوس الكرامـي
الـذل مـوت حايمـاتٍ ضواميـه = ادخل على منزل فروض الصيامـي
عن مقعد بالـذل عينـك تراعيـه = الموت عند الـذل امـان وسلامـي
يرضى المذ له من تردت هقاويـه = والذل يجفل منه قلـب العصامـي
والعبد له ربٍ عن النـاس يغنيـه = ولو لاه ماصاب الهدف كل رامـي

تسلم اياديك مراقبنا العام الراقي ابو كادي

نقل جميل جداً بارك الله فيك



تقديري لسمو شخصك الكريم ؛؛؛

لاشلة يمناك يالنشمي ابو كادي

لاهنت والله ع النقل الطيب


ودي لك قبل ردي

اقتباس المشاركة الأصلية كتبت بواسطة المشرف العام تسلم اياديك مراقبنا العام الراقي ابو كادي نقل جميل جداً بارك الله فيك تقديري لسمو شخصك الكريم ؛؛؛

المشرف العام الغالي / أبو غازي
الله يسلمك ويسعدك ويحفظك الرقي وقمة التميز والجمال مرورك الكريم
حفظك ربي ورعاك.
دمت بحفظ الله ورعايته،،،

اقتباس المشاركة الأصلية كتبت بواسطة المهاجر لاشلة يمناك يالنشمي ابو كادي لاهنت والله ع النقل الطيب ودي لك قبل ردي

تسلم المهاجر الله يعطيك العافية ويسعدك يارب
لاهنت على هالمرور الجميل الذي أسعدني
دمت بحفظ الله ورعايته،،،

تسلم ابو كادي

ويعطيكـ العافيه يااارب

والعبد له ربٍ عن الناس يغنيـه
ولو لاه ماصاب الهـدف كـل رامـي

سلمت ابوكادي على النقل المميز ولاهنت

نقل رائع تشكر عليه استاذي الفاضل ابوكادي


تقديري لجنابك

تسلم ابو كادي على النقل الراقي لاهنت

مشكور وفقك الله يالعزوه

اقتباس المشاركة الأصلية كتبت بواسطة هايدي اليتيمه تسلم ابو كادي ويعطيكـ العافيه يااارب

الله يسلمك هايدي ويعافيك يارب
أجمل التحايا لشخصك الكريم،،،