نقولها ياحرب / بقلمي

نقولها ياحرب / بقلمي


هذه القصيد مهديها للشاعر/ مزعم بن كمي الحربي
بمناسبة ترقيته نائباً لرئيس مجالس حرب /

يامرحبا ترحيبةٍ كلها ورود=إعداد ماهبت هبوب الشمالي
ويبرا لها الفنجال مع ريحة العود=في مجلسٍ تزهاه صفر الدلالي
حيوا معي ياحرب يالابت الجود=ترحيبكم ياحرب جاله مجالي
نقولها من قلب واحساس ووجود=نقولها ياحرب والراس عالي
بالشاعر اللي يعسف القاف ويقود=أبيات شعره ترتقي للجزالي
مزعم سليل المجد والفعل محمود=طيبه من طيب ابوه وعمٍ وخالي
شرفتنا وكل الفخر فيك موجود=ومايكسب الطولات كود الرجالي
وانته لها ياكاسب النعم والزود=ترقى سنودٍ كاسبٍ للمعالي
الخير كله في نواصيك معقود=واللي عطاك الله عزيز الجلالي
المعرفه تحكي لكم كل مجهود=ومن عانق الطولات نال المعالي
هذي مجالس حرب ترفع لكم طود=ياماحكت عنكم صحيح المقالي
وماني على ماقلت ياناس محدود=الا الفخر من شان واف الخصالي
هذاك مزعم لا بدا كل منشود=حرٍ تعلا فوق روس الجبالي
ياالله عسى يفداه ياناس مقرود=خبلٍ على عمياه كله خبالي
وسلامتك يامنبع الطيب والفود=والمعذره لو طال فيكم مقالي
وختامها صلوا على خير مقصود=محمد شفيع الخلق يوم الهوالي

نايف الشويب


وهذا رد الشاعر وهق بن كمي والد مزعم نيابةً عنه /

يانايف الحربي دفعت اطيب القود=منقيةٍ ماجبتها بالريالي
من نظمك اللي بالجزيلات مشدود=تعطي عطاك الله بركة الحلالي
يوم الطهيمي فاز بمزاين الذود=قام الحروب يعانقون الخيالي
على الفضائيات والعالم شهود=إن الحروب اهل الوفاء والكمالي
ويوم ان خالد طاح والسيف مجرود=شالوا حموله حرب لو هي ثقالي
حربٍ لهم ماردٍ على الطيب واعدود=حربٍ لهم بالمعجزات احتمالي
في ماقفٍ تنشر به البيض والسود=وعظَّت به الظلفه دفوف الجمالي
تبرز قبيلة حرب والعلم ماكود=طيب الجدود معقَّبٍ للعيالي
حق القبايل نعمٍ والذم منقود=والنعم فيهم كل ماجاء مجالي
يانايف انته لك مواقفٍ ومجهود=تشكر عليها ياكريم السبالي
والطيب بابه عنك ماهو بمسدود=عاداتكم يامحتمين التوالي
أنتم بوجه الشر يانايف الجود=ياحزام من حده من القوم صالي
محسوب لك مع حرب ماانته بمفقود=وطيبك مقدم ماتخليه تالي
ماانته من اللي ينتظر صرمت العود=اللي علومه مع طويل الظلالي
يشوف نفسه مير ماحل معقود=ياجعل فاله ماهو فالك وفالي
وصلاة ربي عد ماهبت النود=على نبي الحق واف الخصالي

الشاعر/ وهق بن كمي الحربي

شاعرنا القدير نايف الشويب
كفو والنعم بك وبلابتك حرب
ابو فهد
صح السانك ولسان الشاعر وهق بن كمي الحربي
اااالف
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

يستاهلها النشمي كفو بالجميع
صح لسانك ولسانه الف

صح بدنك يابو غازي الله يرضى عليك وعلى والديك / تحياتي لسموك الكريم :

طواري حياك الله وصح بدنك لاهنت /
تقديري لك :

والنعم بالمادح والممدوح وصحة السنتكم
الصراحة أنها قصايد جزله من شعراء

الف نعم بحرب قول وفعل

إستاذي. نعم المادح والممدوح

صحة السنتكم

لاهنتوا

الله يسعدك بالدنيا والآخرة يانداء وصح بدنك وماعليك زود /
تقديري لشخصك الكريم :

الله يوفقك يامحمد الذرفي وصح بدنك وماعليك زود /
تحياتي لسموك الكريم :

إي والله يابو طارق قصة الوسيدي مع ولد جارته المطيرية معجزة كيف فادا بنفسة على وصية جارته هكذا الوفاء والفداء وصح بدنك وماعليك زود الله لايهينك يالنشمي /
لك أجزل تحية من راسي :