اليكم رحلتي يوم الخميس الــ 22/ 4 / 1433 هـ

ماشاء الله تبارك الله خوش ربيع يابو عبدالرحمن
وين ابن بليهد هو وصدمة الايام عن هالفله عزالله يبون يشعللونها كبسات وعلومهم زينه
تسلم شاعرنا مشعل ابن عسام
بيض الله وجهك منظر يس الخاطر

ماشاء الله تبارك الله خوش ربيع عزالله انه يطرب ويهيض

لكن يابو عبدالرحمن وين العيشه والوقده ليه ماصورته ترا نبي نتهمك انك اخذن سفري

لازم القيله به نفخ وتغريز ،،،، اكيد الربيع الهاكم عن التصوير

الصوره الأولى تقل متعطلين وتحرون اسعاف ههههههههه

والصوره الثانيه تقل شفتو احدن اقبل عليكم

ماعليش تحمل تعليقنا اول مره من فرحتنا بهالطله الحلوه

تسلم يابو عبدالرحمن انت وخوياك الشقرديه

وننتظر رحلاتك القادمه ومزيد من الصور

ماشاء الله وش هالربيع اللي يطرب البال

وبعدين ترا ابن بليهد حول الحروه يابو عبدالرحمن هههههه

اعرفه بخيص بهالامور وبعدين منهو هاللي معك هو ابن نحو

لا شكلكم متعطلين صدقت الرؤيا لقاه ساهر الشعار خخخخ

الله يوفق هالوجه يابو عبدالرحمن انت ومن معك ياكحيلان

تحياتي

ما شاء الله تبارك



وش هالمناظر اللي تجيب العافية


يمال العافية اخي الكريم

طلعة حلوة الله يونسكم بالخير

والله ياربع انه صدق لكن المواعين والخيمه والسيارات وبعض خويانا وذبيحتنا لانها كانت لها صوره بعد كلهن انا اللي صورتهن واحسبهن موجودات بالصوره ويوم كشفنا الصوره يمار مدري وين راحن يقولون الشباب انت ما صورت انت بس يوم شفت الصوره بالجوال قلت خلاص بدون ماتضغط على الزر وانا والله اني مصور لكن اضني مسحت او مادري وش لون سويت اما هذه الصوره يصورنا واحد من الشباب وبس انا ومحمد الاسلمي باقي خويانا مهم معنا لاننا رحنا نتمشا وخلينا خويانا هذا والله الصحيح عاد بكيفكم تتهموني ما تتهموني بكيفكم هههههههههههههههههه والله على واقول شهيد

محشوم يابو عبد الرحمن وبعذرك لو ارتبشت شوفة الربيع عقب زحمة الرياض تخلف

مصدق يالغالي ولو ماطلع إلا قبلتك تكفينا لكن الجايات خل حدا العيال يتخصص بالتوثيق والتصوير

ايه على فكره ماقلت لنا وين الموقع ؟

ما شاء الله تبارك
خوش رحله استاذي ابا عبالرحمن
تسلم يمناك لاعدمناك

يامال العافيه يابو عبدالرحمن

والله صورتك انت ومحمد تسوى ملايين الصور ياطيور شلوى

بس عاد حبينا نمازحك شوي قلنا غديك تنكس يم المحل ثاني مره وتعزمنا هههه

دمت على العز والطاعه ياعميد الشعراء انت اسمك يكفينا طال عمرك يالعزيز

حفظك الرحمن

شكرا لكم ايها الاخوان جميعا مره ثانيه وثالثه ورلابعه وخامسه والى الابد الله لايهينكم
اما الموقع فهو كما يلي
الصورتين الاولات اللي تحمل صورتي وصورت الاخ محمد بالفيضه فيضة التنهات اما الصورتين الاخريين فهن
باخر شعيب الخفس هذا ردا على سؤال اخوي ابو محمد والله فيه صوره للخيام والذبيحه وهي حيه قبل ان يحكم عليها
بالاعدام ولكن للاسف راحن مدري وشلون راحن لانهن معي وانا الجوال جديد ولا نعرف له ولذلك لم تظهر الصوره شكرالكم جميعا عذرا عن التاخير بالرد لاني مسافر ولاجيت الا قبل نصف ساعه وخالفن ساهر مهو ساهر الشعار ساهر الفلوس الله يعطيه الفلس وقلت به هذ البيت

ياجماعه شركة ساهر علينا عقوبه = شاركتنا عيشة الوغدان والحجيّه

كلما شـــــــــافورويتبنا نزل عشوبه = يلقطونه قبل ما ينزل مـــــن الماليه

هههههههههههههه تذكرت ايام الشباب وقمت بس امشي الله لايبلى