(شموخ الصهيل ) صوتيه

يشرفني ان اقدم اخر ماكتبت بالصوت
لاعضاء ومتصفحي نشامى شمر الغاليه
واتمنى ان تحوز على رضاهم فهذا غاية ماانشده
وبالامكان سماع القصيده وتحميلها للاجهزه
وامكانية ارسالها للجولات بالبلوتوث بعد التحميل
اخوكم... فيصل اللويش

شموخ الصهيل

أضغط هُنا للحفظ

شــاعــرٍ ضاق صــدره في هجـــوســـه غرق= ماحــســــب للمسافة والطـريق الطــويـل
كيــــــف تمـــــشي طـريقٍ عن مســارك فرق= كيف تلقى الهجوس لبعض صدرك سبيل
امــســك الـهـــم قـــالــوا (واحــذفـــه بالـــورق)= قــلــت وش ذنــبها (والـــهــم حمـلــه ثقيل)
ليـــش احـــــذف الهموم اللي بعضــــها خرق= بشت صدري وانا اللي اعشــق المستحيل
تـــدري المـــوج بــحرٍ (غـــص ملـــح وشرق) = لكـــن انه بلــــعها (عقــــب صـــــبرٍ جميل)
هــو كــــذا الهم دايم في ضـــــــلوعي حرق =كـــــل ضحكة غصــــن وده يطول ويميل
كـــــل ماجـيــــت ابــــرقد من عيـــوني سرق =كـــــل ليـــلة منـــام وكـــل لحـــظة مقيـل
أنــقــذف في صهيــلي كـــل جـــن أستــرق= وعَطُـفــن بــه خيــوله من شموخ الصهيل
وش علــــيه الســـــما والغـــــيم لاح وبرق= الـــلــــــــبن مادفـــــقه ولايشــق الصميل
النصـــــر صــــــــبر ساعه والالم لو زرق =رمح ناره (ووقـــض بالســـــراج الفتيل )
(بـــردٍ وحـــر)(رعشــــه والتـــفــاف) (وعـــرق)= (وارتجــافة اصـــابع)( وانتفـــاضـــة شلـــيل)
(وابـــتســــامة خـــبيـــثٍ)( وانــــتصــــارة ارق) = (وانـــــكســــارة نعــــاسٍ في عيون النحيل)
في كيـــــاني نخـــيل وكـــل ريـــــــحٍ طـرق = صوبــــــها تمـــيل.. (لكـن ماتطيح النخيل)
ادري ان القصــــــيد اعـــذب من الما وأرق = وادري ان الــــورق للــــــهم شال ويشيل
قـــــالوا امســــك همـــومك وارمها بالورق= قــــلت مابي ازيــــد الحــــمل حـملٍ ثقيل

فيصل اللويش

ادري ان القصيد اعـذب مـن المـا وأرق=وادري ان الـــورق للهم شـــال ويـشـيـل
قالـوا امسـك همـومـك وارمـهـا بـالـورق=قلـت مـابـي ازيــد الحـمـل حـمـلٍ ثقـيـل

يســـــــــعدني ويشرفني أن أكون أول المصافحين لرائعتك أيه العملاق الذيب

صــــــــــــح السااااااانك اااااااااااااااالف

لاهنت على هذه الابيات الجزلة كما تعودنا منك دائما

صح لسانك اخوي

رائعـــــه ومؤلمه

أخوي فيصل اللويش

ألف ألف ألف شكر على هالرائعة العذبه

صح لسانك مليااااااااار
إبداع بلا حدود


وبإنتظار جديدك يالغالي

أصيل والله صح السانك

صح لسانك يافيصل
وتسلم يمناك

دمت بود

الاستاذ

ابو غازي

المشرف العام

انت من توج هذه القصيده جمالا ايها النقي


واشكرك على هذا الحضور الاكثر من رائع


اخوك... فيصل اللويش

الشاعر

العلم والرائع

متفائل

شكرا من القلب ايها الاستاذ للمرور والتعقيب


اخوك... فيصل اللويش

الاخت

نظرة غلا

سعدت جدا بمرورك الاكثر من مميز


صح بدنك


اخوك... فيصل اللويش