19-05-2007 | #1 |
|
العيون الوساعي
ليش تظلم وربي مايحب الظليمه=يومي تطعن خفوقي بالعيون الوساعي كنت احسب النوايا في غرامك سليمه=لين صارت حروبك بالاذاعه تذاعي قبل حربك تراني عارفن بالهزيمه=وقبل شوف القذايف بالسماء له شعاعي ويل قلبن عشيره بالمعارك خصيمه=كيف يرمي وقلبه مع حسين الطباعي ان تقدم حبيبه وان تأخر غريمه=وكل رجلن تصيده لالويت الذراعي قلت ادافع وقلتي راح تاخذ قسيمه=وقبل جدع البنادق صار ذبحك جماعي صار قلبي ضعيفن في عيونك تضيمه=ولو وقع من سلاحك مالقى اليوم ناعي وشلت قلبي وروحي في رموشك غنيمه=وباقي الجسم طعمن للحداء والضباعي ان سجنتي اسيرك من يراعي حريمه=او يراعي صغيرن في سنين الرضاعي قال هذي سلومن بالمعارك قديمه=ولو بغيت السلامه بالهوى ماتطاعي كنت احسب العذارى في هواها رحيمه=والجروح اللعينه مالها اليوم داعي لين صبتي خفوقي يالغلا في صميمه=وشفت قلبي رخيصن بالمبيعه يباعي ياعنودن كلامه ساطي(ن) في كليمه=والغنج في عيونه قبل سن الرباعي وسط روضن سحابه يجفله في هزيمه=كان لجلج رعدها ضاع قلب الرعاعي ضاح برقه تلالا يختفق وسط غيمه=يسعد اللي دبشهم تالي القيظ جاعي في ربيعن تجدد مع توالي هشيمه=نوب ترعى طمان ونوب ترعى الرفاعي لاتسوق الضماير في دروب الهضيمه=وان لقيت الهضايم خافق القلب ضاعي خل قلب الهواوي يهتني في نعيمه=ان كشفتي لعينه لثمتك والقناعي صار عودي نحيلن في بداية صريمه=من غرامن لهيبه واصلن للنخاعي ليش تذبح عشيرن ماعمل بك جريمه=يوم تفدع بقلبه في فراقك فداعي لاتطيع بغرامي من مشى بالنميمه=هرجهم بالحبايب مضربه بالكراعي هم سبب نار قلبي لاتلاسن جحيمه=يبعدون الحبايب عن دروب السناعي حالتي عقب عينك خالقي هو عليمه=ولك سموحة خفوقي في نهار الوداعي شعر راوي الجبل ابن غسلان00 |
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
19-05-2007 | #2 | |||||||||||||||||||||||
|
دائم مبدع ابو فهد كما عودتنا صح لسان الله يعطيك الصحة تقبل تحياتي |
|||||||||||||||||||||||
|
19-05-2007 | #3 |
الإدارة
|
ســــــــــــــلامة قلبك يابوفهد
الإبداع دائماً ديدنك لاعدمناك صـــــــــــــح السانك وداااااام هتانك وسلمت يمينك يارأوينا الفاضل لك كل الود والتقدير |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
19-05-2007 | #4 |
O?°( مشرف سابق )°?O
|
صح لسانك ياعزوتي
وسلم نبض هالقلب اللي ذبحوه العشدز:biggrin: صح كلك |
ملاهد ياراتسب القرطاس=ياشايت الضب بالكوره
|
21-05-2007 | #6 |
|
تسلمون يالعزوه على حروفكم الحلوه والغاليه00
وانت ياريال بن فسحه والله لاصرفك هلل اذا ماتركت البطاله000 تحياتي العطره الراوي00 |
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
26-05-2007 | #9 |
|
مشكورين يالعزوه الله لايهينكم على التعليقات المشجعه
تحياتي الغاليه الراوي00 |
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام