للامير طلال بن عبدالعزيزالرشيد

هي قصيده سبق وان كتبتها في الذكرى الثانيه لرحيل المغفورله بااذن الله..
الأ ميرطلال بن عبدالعزيزالرشيد (رحمه الله)

كل شي ٍ يبين وياضح ويظهرا=الا ذاك السوال اللي تكفن وليد
وكل جرح ٍ يجف وكل جرح ٍ برا=الاجرحك بقلبي كل يوم ٍ يزيد
مرثاني سنه والجرح بي يكبرا=مرثاني سنه والجرح توه جديد
عيت جروح قلبي تلتـئم تجبرا=وعجزت النفس تسلى والصبر مايفيد
عنك عجز الصبر ياصاحبي يصبرا=ياطلال انتحيت واشهد انك فقيد
انت مجد يتباها المجد بك يفخرا=انت نادرمزايا ياطلال الرشيد
كنت للجود ياكحيلان بيت وذرا=وفيك جزل الصفات وفيك طبع ٍ حميد
اااه ياشيب عيني كل ما اذكرا=اااهةٍ تخترق صدري تشق الوريد
اهةٍ من ورا اهٍ تتل ازفرا=راح حر ٍنداوي باالمراجل فريد
تب لاعاد هاك اليوم كم يقهرا=تب للقنص لا ابوالصيد واللي يصيد
ولا اعتراض ٍعلى حكم الله استغفرا=خالق الناس منشي الكون رب العبيد
نم عساك بجنان ٍ تورق وتزهرا=بين حورالجنان وبين طلح ٍ نضيد
تحتضنك المحاني لوحضنك الثرا=تحتضنك العيون ولو خيال لك بعيد

شعر.. نايف حزل العنيزان

صح السانك مليار ويعطيك العافيه

قصيده روعه

والله يرحم الامير طلال ال رشيد

صح لسانك يابو نواف

اي والله انا اشهد انه فقيده

مشكور والله يعطيك العافيه

وما هو غريب الوفا عليك

كنت للجـود ياكحيـلان بيـت وذرا
.......... وفيك جزل الصفات وفيك طبع ٍ حميد
الله يعطيك العافيه يابو نواف
والله يرحم الامير طلال الرشيد

تحياتي الازرررررق ؛؛؛؛؛

اااه ياشيب عينـي كـل مـا اذكـرا
اااهةٍ تخترق صدري تشق الوريـد

صح السانك مليار

والله يرحم الفقيد ويسكنه فسيح جناته

أمين

الاخ العزيز ابومضاوي صح بدنك شاكر هاالطله العذبه

الله يرحمه
وصح لسانك
مشكور خيو

الاخ العزيز ابن العم ابو فهد تسلم اناملك ويسلم قلبك ويصح فكرك

اخوي الحبيب حموووووودي شاكر مرورك ويسلم بصرك على مرورك ويسلم لسانك على دعواتك الله يرحم الامير ابو نواف... طلال الرشيد

الاخ العزيز طريخم الله يرحم طلال وشاكر مرورك مقدر طلتك ياعزيزي