تروه بذبحنـــــــــــــا مسموح

رجيتك ياهنى روحن تمنت شوفتك ساعه=ولا ذاقت بدرب العشق لامكسب ولا مربوح
انا قلبي على دربك شكى من لايعن لاعه=طبوعك ياهوى بالي طواريها تغث الروح
اخبر اللي يبي غاليه لاقال اسقني طاعه=وانا غادرتكم ضامي بقلبن ضايقن مجروح
رحلت بمركب احلامي تلوح الريح بشراعه=وموجات البحر تلطم على اللي يدخله ذابوح
هزيم رعودها يرجف وبرقه يركز اشعاعه=واذا ناظرت تبي سهيل ماهو بالنظر ملموح
غطاه اللي غطى قومن خدعها زين مرباعه=وتاليهم بقايا قوم ركبوا في سفينة نوح
اشوح الشوف بعيونن تحاول شوف مطلاعه=اراجي شوفة الشاطي اواريام الفلاة سروح
خفوقي ضاع بامواجه سبايب صاحبن باعه=ولايقدر يشوف الدرب لو برقه غدى له ضوح
عقب ماكنت والغالي بروضن فاح نعناعه=اشوف الموت يدعيني ولو شحت النواظر شوح
طرى لي وسط موجاته خدود الزين لاراعه=شعاع البرق ذكرني بمبسم وجهها المملوح
عيون اللي ورى الصيده رماح الموت باصباعه=يشيل الموت باصباعه اليا لاح الحبارى لوح
مراميع العرب كله قصارن دون مرماعه=واذا شاف الحباري راح تلقى خربهن مسدوح
عشيري من جميع البيض شال الزين بانواعه=طلبتك ترحمين اللي غرامه مايريد شروح
الا يامنوة الخافق وراس المال واطماعه=وسلوة عاشقن دمعه على خد العناء مسفوح
انا جيت الطبيب وحط فوق الصدر سماعه=وجاب الفحص والناتج خفوقن بالغلا مشفوح
وقال ان الظماير فات سبع شهور مرتاعه=وصدره كاتمن نارن من الضيقه غدى له فوح
تقول انه نهش حاله ذياب الجال وسباعه=او انه عاشقن غنجاء ولاكنه يخاف البوح
وقال ان الدواء رشفة ثنايا خفرتن ضاعه=عنودن مثل عين الريم حطتكم على الجابوح
وقلت اعلن خبر موتي على العالم بمذياعه=وقل موته سبب خشفن(( تروه بذبحنا مسموح))

صح لسانك خيو
يعطيك العافيه والله

الراوي ابن غسلان
هزيم رعودها يرجف وبرقه يركز اشعاعه
واذا ناظرت تبي سهيل ماهو بالنظر ملموح

صح لسانك
يالعزوه قصيدة جميلة جدا





وياهلا

ابو فهد



صح لسانك



و قفت عند هالقصيده مرات عديده و و جدت انه من الصعب ان اقول صح لسانك فقط



فهي تستحق اشادة تليق بها و بشاعرها



هنا اقف و اصفق كثييييييييييييراً



هنا اقول سجلني ضمن جماهيرك و متابعيك



دمت مميز للابد



........

يســـــــــــــــلم قلبك يابو فهد
ودااااااام هتانك وسلم بنانك
شاعرنا الفاضل ابن غسلان يعجز القلم واللســـــــــان أن يفي بحقك أيه الذيب

لله درك يالغاااااالي دائماً رااااااااااااائع
صــــــــــــــح السانك ملياااااااااااااار

وقلت اعلن خبر موتي على العالم بمذياعه
....................وقل موته سبب خشفن(( تروه بذبحنا مسموح))


سلامت هالقلب والله


صح لسانك وقلبك واحساسك يابوفهد

ابوفهد

قصيده حلوووه

صح للسانك ..

صح لسانك يالراوي أبن غسلان

الا يامنوة الخافق وراس المال واطماعه=وسلوة عاشقن دمعه على خد العناء مسفوح
انا جيت الطبيب وحط فوق الصدر سماعه=وجاب الفحص والناتج خفوقن بالغلا مشفوح
وقال ان الظماير فات سبع شهور مرتاعه=وصدره كاتمن نارن من الضيقه غدى له فوح

جميلة هي كلماتك ... ولكنها حقيقة مؤلمة لمن يعيش
سعادة الحب...ونشوة الأمل باكتمال الحب...


اشكرك على القصيده الرائعة

دمت بوووود

ابوفهد

ما تنلام والله يلوم اللي يلومك

صح لسانك

ما عقب هذي شي

وقال ان الظماير فات سبع شهور مرتاعه = وصدره كاتمن نارن من الضيقه غدى له فوح
تقول انه نهش حاله ذياب الجال وسباعه = او انه عاشقن غنجاء ولاكنه يخاف البوح
وقال ان الدواء رشفة ثنايا خفرتن ضاعه = عنودن مثل عين الريم حطتكم على الجابوح

تقبل تحياتي

يعطيك العافيه ابو فهد والله لا تعليق يعجز اللسان عن الكلام

صح لساانك ويسلم يمينك

لك خالص تحياتي