((عواد العلي)) مار البلا فواز شاعر خرافي

الشاعر عواد العلي متواضعا يقول:

يا بو فهد لاهـنـت نحـتـاج فـاصـل=ماني مطول بس فاصل وواصل
يلومـنـي مـن لاعرف ويش حاصل=الـمـعـذره يااخوان هذا اعترافي
الـيـوم مـتـهـيـض وحـبـيـت اولف=مانـي بـتـنـظـيـم الـبـيوت متكلف
شـخـصـيـتـي بالشعر شـبه متخلف=مااحـدآ فهمني غير وهج القوافي
عـنـدي تجـارب نـابـعه من تجارب=لو تخـتـلـف مـرات فـيـها تقارب
تـوسـطـة مـابـيـن لـحـيـه وشـارب=حتى طريقي صار فيه انحـرافي
انـا دفـعـنـي لـلـتـنــافـس فـراغــي=واقول انا بالشعر مـجـرم وطاغي
وطـاح الـعـقـال وطاح بعده شماغي=قـدام ابـن غـسـلان هـاك السنافي
فـتـح ثـغـور ولا لـقـت مـن يـدافــع=وابو فهد مـابـيـن كـابـس ورافـع
انا مـهـاجـم صـرت عـنـده مـدافــع=اللعب على المكشوف مامن خوافي
اصبحـت كـنـي مـن حكومة حـماسي=هـذا وانـا ماني بـكـادر سـيـاسي
رغـم الحـيـاد اعـيـش نـفـس الـمـآسي=اقرو كـلام الـقلب قبل الاشافي
صحـيـح انـا شـاعـر فـدائـي وصـامد=ومـولـعـآ ضـوي ولاهـو بخـامد
وزنـي يـقـارب وزن ابـن زيـد حـامـد=مـار الـبـلا فـواز شاعر خرافي
بأقـول كـلـمـة حــق مـانــي مـجـامــل=قـلـبـي نطـقـهـا وكتـبـتها الانامل
انا ياابـن غـسـلان مـازلـت صــامــل=لااجل الـتـحدي فيه شوطآ اضافي
على الـهـزايــم صـاحـبــك مـاتـعــود=من كـثـر حـرصه في مساره تجود
حـتـى لـو ان الـــدرب بـيـض وســود=اسـوقـهـا قـدام والـنــور طــافـي
انـا ظــروفـي فـــي حـروفــي تــوزع=يـمـكــن مـمـلـه بس لااحد يتجزع
عـلـى الـغـزل قـام الـهـواوي تـهــزع=مادام سـتــر الله على الكل ضافي
الدمـعـه الـلــي حــارت بـعـيـن عاشـق=اللي لها بالجـفـن حـارس وحاشق
الـيـا حـبـسـهـا قـام خـشـمـه يـنـاشــق=لو قـيـل كـافـي قـال ماهـو بكـافـي
الــحـب ذره قـابـلــه لـلـتـخــصــب=بـدايـة الـتـشــجـيــع قـبـل الـتـعـصب
حـتـى عـلـى قـلـبـك حـبـيـبــك يـنـصب=ويفاوضك من شان عقد احترافي
لاياحـبـيـبــي صـدر عــواد واســـع=وبـداخـلــه بــردآ مـن الـثــلج لاسـع
ارضى الخـطـى يـالـيـن ثـامـن وتـاسـع=والـعـاشر ابعد عنك والقلب صافي
الـمـجـرم الـلــي وسـط قـلـبـي تـسـلــل=ومــن الـغــبــاوه قـلــت آمـر تـدلـل
انـا وطـيـفــه سـاهـريــن نـتــعــلــل=واثــر الحـبـيــب مـلـتـحـف باللحافي
هــذي مـشــاعــر شــاعــرآ مـايــكــذب=مــر بـتــجــارب بالحـيــاة وتعذب
ثـرثــار زاحــف انـطــوائــي مــهــذب=آخــر لـقـب سموه ((ثلج القوافي))

ابوفهد

قصيده راااائعه

وجزله

صح لسانك ولسان الشاعر عواد العلي

....

قراتها مرات ومرات





صح كلك وصح لسانه



لاهنت يابوفهد

انا دفعني للتنافس فراغي
واقول انا بالشعر مجرم وطاغي

وطاح العقال وطاح بعده شماغي
قدام ابن غسلان هاك السنافي


الله الله رآآآآآآآآآآآآآآآآئــــــــــــــع



هذي مشاعر شاعرآ مايكذب
مر بتجارب بالحياة وتعذب

ثرثار زاحف انطوائي مهذب
آخر لقب سموه ((ثلج القوافي))


ههههههه حي هالقصيد صح بوووحه ومنطوقه


عوااااااد العلي ابدااااااااااع طااااااااااااااغي


ونعم والله بالعزوووه العلي ولاهنت ابو فهد على هالنقله..

ابن غسلان


تسلم على هالنقل الموفق

صح لسانك ياعواد العلي الله لا يخلين منك ومن امثالك

عزالله انك والم

فتح ثغور ولا لقت من يدافع = وابو فهد مابين كابس ورافع

وحنا ما ندعي الشعر الشعر لوه اهلوه

تسلم يالغالي

تقبل تحياتي

ارتحت لحروفكم وسعدت بتعبيركم الغالي ومرورك النبيل00

كل الشكر والتقدير لكم على ذلك يالعزوه000

تحياتي العطره بريح المسك والعنبر0

الراوي000