الجيب روحه على المشوار مشفوحه

الجيب روحه على المشوار مشفوحه=لاصار فـوقـه شجـاعـن مـثـل شولاحي
يـتـبـع طريقن عفاشن عازلن روحـه=والطـعـس ماجـاء عـلـى باله ولاراحي
سبعه خليجي جـديـد الـرقـم واللوحه=تصمـيم رجـلن فـهـيـمـن حاز الامـداحي
ماداج حـافـي بـنـار القـيـظ بسروحه=ونـار الـقـوايـل بـكـبــده تـقـل قـداحي
واليارجـع حـرمـتـه عـوبا ومكلوحه=صاحـت بوجـهـه وقـالت يامـلا الـماحي
من ديرتن صنـعـتـه بالطيب ممدوحه=ومن قبل يصدر خذى بالسير مـشـواحي
وقال المـهـندس حـقوق البيع ممنوحه=فوق البواخر يـشـم اصنـاف الارياحي
والشارقه تـنـتـظـر والسوق مفتوحه=وشاله شريـطـي يـدور فـيـه الارباحي
وجاه الذي يشتري والروح مفضوحه=في حب جيبن بـثـالـث غصب يـنزاحي
الجيب غـايـة هـواه وراس مصلوحه=يشــدا لـذيـبـن رقـى فـي راس لولاحي
هابت فلوسه عفون الناس وشحـوحه=ويشـريه قـلـبـن مـع الخـلـيـان ينساحي
لاقيل هـذي بـروقـن ثـايـرن ضوحه=او جـاه رجـلـن ويـذكر مـاطـرن طـاحي
يسري وربـعـه تهـيل القلب بمزوحه=صوب الـمسايل مـع اول فـج الاصباحي
يشفق لشوف الخـلا والـسـيل بسفوحه=من قبل يظهر سـنـى فجـره ويـنـبـاحي
حـس المكينه مـغـانـج بـنـت مـملوحه=والنور يكـشـف طـريقه تـقـل مصباحي
ماقيل كـنـداسـتـه بالدرب مـطـروحه=او نـام تحـتـه مـعـه حـبـه ومـفــتـاحـي
شكواه ردمـيـتـن ماهي بـمــمـسـوحه=او حـط تحـت الكـفـر صلبات الالواحي
نفسه لـمـرقـى طـعوس الرمل مفتوحه=يقـطـع نـفـود الـدهـانـي تـقـل سباحي
حـس الـدداسن بـجـنـبـه تقل مـبحـوحه=واللي يـسـوقـه تـعـيـبـن تـقـل فلاحي
والجـيـب ذيـبـن هـريـفن شاف ذابوحه=جـايـع وفـي سـاقـتـه عـشـرين نباحي
او مـثـل طـيـرن جليلن صار له مـوحه=اشـقـر صـرومـن لقلب الخرب ذباحي
يـنـزل بظـلـعـن يـنـام الـغيم بسـطوحه=والا الهـلايـم مـنـامـه دور الاشـبـاحي
جـمـر الغضى في عيون الطير مقدوحه=طيبه شـهـيرن بلا وصفات وايضاحي
فـيـه الـشـنب رمز عز الجيب وصروحه=ومن يجحد الجيب وفعوله مهو صاحي
لانـيـش فـيـه الـدبـل كـنـك بـراجـوحـه=عاقل ولايـفـضـح الجـيـران بصياحي
وتكـيـيـف يـطـرد شـمـوسـن زاد لافوحه=عـاقـت طـيـورن جـنـاحه كان لفاحي
وانـتـه تـقـل قـاعـدن مـبـسوط في دوحه=شـهـمـن شجـاعن على الشدات نطاحي
مايصلح الجـيـب بـيـن اسـواق مـنـفـوحه=خـلـه يـدوج الـمـفـالـي تـقـل مـسـاحي
راعـيـه يـضـمـن رفـاع النفس ونجـوحه=كـسـبـان مـلـيـون جابه جورج قرداحي
ودفـاتـر الـمـشـتـرى بـالـدرج مـفـسوحه=يقـطـع دروبه عـزيـزن وانت مرتاحي
والله بلا الجـيـب درب الـزيـن مااروحه=ياكـود نـركـب على زيـنـات الاجـناحي
للي رمـى الـروح مـن فـرقـاه مـبــذوحـه=والجـفـن مـايـهـتـنـي فـي نـوم ومـراحي
بالجـوف نـار الـســعـاير ثـايـرن فـوحـه=من رمشه اللي رمى شيـنـات الارمـاحي
عـامـيـن روحـي بـسـيـف الهجر مجروحه=لاداج بـالـبــال صـدرن تـقـل تـفـاحي
والله فـلا هـي بـهـجـر الـروح مـسـموحه=والـكـبـد تـشـكي جـروحـن تقل زنـاحي
وقـبـلـي رجالن بـرمـش الـريـم مسدوحه=مهدي والاطرق وابن مجـلاد والضاحي
محـدن نـشـد عـن فـهـد مجـلاد وشـنـوحه=فـجـره يجـاوب حـمــام الــورق لانـاحي
وهــذا نـديـم القـوافـي واضـحـن بـوحـه=قـافـه يـشـادي مـحـمــد وابـن قـرقـاحـي
ودام الجـمـاعـه شـكـت مـن قـل مـربوحه=مجبور نـصـبـر على قـصاف الارواحي
وناخـذ على الجـيـب مـن ضيـقـاتنا شوحه=دام الـمـحـبـه بـلا قـاضـي ومـنـصاحـي

محدن نشد عن فهد مجلاد وشنوحه
فجره يجاوب حمام الورق لاناحي
وهذا نديم القوافي واضحن بوحه
قافه يشادي محمد وابن قرقاحي
ودام الجماعه شكت من قل مربوحه
مجبور نصبر على قصاف الارواحي
وناخذ على الجيب من ضيقاتنا شوحه
دام المحبه بلا قاضي ومنصاحي

الله الله معلقــــــــه شآآآآآآآآآآآآآآمخـــــــه

صـــــح لسآآآآآآآآآآآآنك مليووووون ولايوفوووووووون والله


دمــــــت بصحــــــه..

صح لسانك يالطيب


وبإنتظار جديدك

أخي الراوي ابن غسلان

شاعر شاعر شاعر بمعنى كلمة شاعر
صح لسانك ولا هنت على هالقصيدة الرائعة

وتقبل مني وافر التحية والتقدير

الله الله عليك ما اروعك يابوفهد


حس الدداسن بجنبه تقل مبحوحه
واللي يسوقه تعيبن تقل فلاحي


صح السان مليااااااااااااااار dfzs,mgjhfdik

الله يعطيك العافيه

الجيب روحه على المشوار مشفوحه
لاصار فوقه شجاعن مثل شولاحي

صح السانك يابن غسلان

والله والنعم بشولاح

الجيب روحه على المشوار مشفوحه
لاصار فوقه شجاعن مثل شولاحي
يتبع طريقن عفاشن عازلن روحه
والطعس ماجاء على باله ولاراحي


ابوفهد

صح لسانك

الاخوه والاخوات اعضاء منتدانا الكريم000

لقد اطلعت على تعليقاتكم الكريمه وتشرفت بمروركم النبيل يالعزوه00

اشكركم جزيل الشكر على مشاعركم الكريمه والغاليه00

تحياتي العطره لكم000 الراوي

صح لسانكـ يابن غسلآن

عز الله انكـ وفيت وكفيت وما خليت

الجيب غاية هواه وراس مصلوحه
يشدا لذيبن رقى في راس لولاحي
هابت فلوسه عفون الناس وشحوحه
ويشريه قلبن مع الخليان ينساحي

ننتظر جديد ابدآعكـ