24-12-2007
|
#1 | |
|
لعيون خلي قضيت العيد بالجوبه
عيدكم مبارك جميعا اخواني واخواتي في هذا المنتدى الكريم00 انا متعود كل عيد الا يصير لي مغزى انثر به قش ناس واجد وكنت طاحنن زهابي ابي اغزي ابوغازي ابي اصبحه صباح الشريفات لكن به غالين لنا بالجوبه تحركت ظلوعي لهم وصار العيد بطوارفهم وقلت:
لعيون خـلي قضيت الـعـيـد بالجـوبه=ولاضقت من روحة الغالي ومشواره
ومحدن عطى الخافق المحتار ماجوبه=وهو شارحن لوعة الغالين باشعاره احـفـيـت لاجل الحبايب كل منجـوبه=وجيبي حفظ سكة الغالين ودياره لاصامت الكـبد عن زاده ومـشـروبه=وصارت جفوني بدمع العين فواره وكـلـن قضى الليل مع خـلـه ومحـبوبه=وانا اشتكي لاهب الجوزاء ومصهاره لاجاد حظي بـشوف صويحبي نـوبـه=ساعه وهو هايبن دربه ومسياره تمـضـي ليالي ونور العـيـن محجوبه=والقلب يشرب غبون الوقت واكداره مـلـيـت حـظ كـوى الخـفاق لاهـوبه=كن السعاير بجوفي تشتعل ناره شفته ضحى العيد والكفين مخضوبه=زولن خذى اللي بوسط السوق وانظاره كن الضماير بسوق الموت مجـلـوبه=برموش ريمن بروضن فاحت ازهاره بسفوح ظـلـعن طويلن مثل مـشـذوبه=من شان ترقى طبوق الظلع لاذاره ولا راح خوفه تدوج الروض وخبوبه=جتها السحايب بنجم الوسم وامطاره تالي نهاره ونور الشـمـس بغروبه=تلقى الخـزامـا تـفـوح بريح نواره ريمن رباعن ينام الخوف بجـنـوبه=من خـوف نارن مـن البارود لاثاره كن المدامع من الـعـيـنين مـسكوبه=تجفل من العاصف اللي حرك اشجاره هي عين خلي هوى بالي ومطـلوبه=وجرحن غزيرن بجوفي طق مسماره يالايم القلب خـل الهرج من صوبه=ماشـفـت خـدن بياضه تقل جـمـاره او شفت ردفـن ظـلومن طـاوي ثوبه=والريح مـثـل الـمـعاطر عند عطاره ماكنت حـطـيت بالـمزيون عذروبه=وتمشي وراهـا وروح الروح منهاره وتركض بطوعه وتلبد وسط دالوبه=وتفهم عذاب الحشى المسروق واعذاره يابنت وش بك بحـبـي تقل مـغـصوبه=صارت وعودك مثل عرقوب واخباره كل الوعـايـد تجـيـنـا مـنـك مقلوبه=ساعه عقب عام يالغالي فلا صاره وكان الدقـايـق بشوفي غير مرغوبه=الـطـير يشبع مـن ظـفـوره ومنقاره |
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله 
|
|
24-12-2007
|
#2 | |
|
صح الله لسانك ياابن غسلان
|
|
 انا مثل النجوم العالية ماطالها نصاب وانا مثل الجبال الراسية تثبت مبانيها وانا بنت الاصول ومنسبي من طيب الانساب ومن يفكر بحفرة خبث حتما بدفنه فيها
|
|
24-12-2007
|
#3 | |
|
وكلن قضى الليل مع خلـه ومحبوبـه
وانا اشتكي لاهب الجوزاء ومصهـاره لاجاد حظي بشوف صويحبـي نوبـه ساعه وهو هايبـن دربـه ومسيـاره تمضي ليالي ونور العيـن محجوبـه والقلب يشرب غبون الوقت واكـداره ------- صحـ لسانكـ أخويـ .. وكلـ عامـ وانتـ وباقيـ الاخوانـ والأمة الإسلامية بخير.. وبصرااااحة عيد بدونـ حبايبنااا ماينعد عيد !!... |
|
|
|
|
24-12-2007
|
#4 | |
|
يابنت وش بك بحـبـي تقل مـغـصوبه=صارت وعودك مثل عرقوب واخباره [/QUOTE]كل الوعـايـد تجـيـنـا مـنـك مقلوبه=ساعه عقب عام يالغالي فلا صاره وكان الدقـايـق بشوفي غير مرغوبه=الـطـير يشبع مـن ظـفـوره ومنقاره ليه ماذبحته يوم تصبحه ؟؟ whistling
الراوي ابن غسلان / ابوفهد ابدااع صح لسانك . |
|
|
|
24-12-2007
|
#5 | |
|
الإدارة
|
عيدك مبارك يابوفهد
وعسااااااااك من عوادة العيد داااااااايم يالطربه صح السااااااااانك ملياااااااار |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
30-12-2007
|
#9 | |
|
يابنت وش بك بحبي تقـل مغصوبـه
صارت وعودك مثل عرقوب واخبـاره كـل الوعايـد تجينـا منـك مقلوبـه ساعه عقب عام يالغالي فـلا صـاره وكان الدقايق بشوفي غيـر مرغوبـه الطير يشبع مـن ظفـوره ومنقـاره الله الله الله دائمــــــاً تختـــــــم القصيــــــده بأبيااااااااااااااات رائعـــــــــه وقـــــويـــــــه صــــــح لساااااااااااااااانك مــــدد لاعـــــــدد.. |
|
|
يَ رب أمطرني بفرحً إلى يوم يبعثون .. !
|
|
31-12-2007
|
#10 | |
|
اخوي اجأ ودك بذبحته؟ ماتدري لو هو فطيس الان00 قايدة الخيل الختام للقصيده لازم يصير حلو مثل الحكاكه الطعم فيها دايم00 اشكر الجميع على حروفهم النبيله00 |
|
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
