عيون اللي ورى الصيده رماح الموت باصباعه

رجـيـتـك ياهـنى روحن تمـنـت شوفـتـك ساعه=ولا ذاقت بـدرب العـشـق لامكـسب ولا مـربوح
انا قـلـبي على دربك شكى مـن لايـعـن لاعه=طـبـوعـك ياهـوى بالي طـواريها تـغـث الروح
اخـبـر اللي يبي غاليه لاقال اسقـني طـاعه=وانا غـادرتـكـم ضامـي بقـلـبـن ضايـقـن مجـروح
رحـلـت ومركب احلامـي تـلوح الريح بشراعه=ومـوجات البـحـر تـلـطـم عـلى اللي يدخـله ذابوح
هـزيـم رعـودها يـرجـف وبرقه يركز اشعاعه=ولو راعـيت نـجـم سهـيل ماهـو بالـنـظر مـلـمـوح
غطـاه اللي غطى قـومن خـدعها زيـن مرباعه=وتالـيـهـم بـقـايـا قـوم ركـبوا في سفـيـنـة نـوح
دموع الحزن بعـيونـن تحاول شوف مـطـلاعه=تـراجـي شـوفـة الـشـاطـي او اريـام الـفـلاة سروح
خفوقي ضاع بامواجه سـبـايـب صاحبن باعه=ولايـقــدر يـشـوف الـدرب لـو بـرقـه غـدى لـه ضوح
عـقب ماكنت والغالي بروضن فاح نعـنـاعه=اشوف الـمـوت يـدعـيـنـي ولـو شحـت النواظـر شـوح
طرى لي وسط موجـاته خـدود الزين لاراعـه=شعاع الـبـرق ذكرنـي بـمـبـسـم وجـهـها الـمـمـلوح
عيـون اللي ورى الصيده رمـاح المـوت باصباعه=تـشوف الـمـوت باصبـاعـه الـيـا لاح الحـبارى لـوح
مرامـيـع العرب كله قـصارن دون مرماعه=واذا حـاف الحـبـاري راح تـلـقـى خـربـهـن مـسـدوح
غناتي مـن جـمـيع البـيـض والخفرات بانواعه=طـلبـتـك ترحـمـيـن اللي غـرامـه مـايـريـد شـروح
الا يامـنوة الخـافـق وراس المال واطـماعه=وسلوة عاشـقـن دمـعـه على خــد الـعـناء مـسـفـوح
جروحـي والـسـبـب يـمـنـاك عـنـد ربـوعـنـا ذاعه=وصرت الـيـوم بأسـبـابـك بـنـيـران الحـشـى مـفـضـوح
انا جـيت الطبـيب وحـط فوق الصدر سـماعه=وجاب الفـحـص والـنـاتج خـفـوقن بالـغـلا مـشـفـوح
وقال ان الظـمـاير فـات سبع شهـور مـرتاعه=ويـكـتـم بالحـشـى نارن مـن الـضيـقـه غـدى له فـوح
تقول انه نـهـش حـاله ذيـاب الجال وسـبـاعه=او انه عاشقـن غـنـجـاء ولاكـنـه يـخـاف الـبـوح
فلا هـي مـن جـروح الـقـلـب للـمـحـبوب مـنـصاعه=ولا هـو بـانـي(ن) مـعـهـا عـلـى درب الـغـرام صـروح
ولا تـنـفـع جـروح الـهـجــر لــف الجـرح بـرقـاعه=ونـصـح اهـل الهوى مافـيـه لجـروح الـهـوى مـصـلوح
وقال ان الدواء رشـفـة ثـنـايا خـفرتن ضاعه=عـنـودن تـرمـي الـعـشـاق برمـوشـه عـلى الجـابـوح
وقـلت اعـلـن خـبـر موتي على العالم بمـذياعه=وقـل مـوتـه سبـب خـشــفـن تـروه بـذبـحـنـا مـسـمـوح

يشرفن أكون أول الحاضرين ..

صح لسانك ملاااايين وإعتلااا شانك
والله قصيده رائعه جداً ..
وجزله من شاعر جزل

اقتباس المشاركة الأصلية كتبت بواسطة سطام الشمري يشرفن أكون أول الحاضرين .. صح لسانك ملاااايين وإعتلااا شانك والله قصيده رائعه جداً .. وجزله من شاعر جزل

اخوي سطام الشمري كل الشكر والتقدير لك

تحياتي العطره00

صح السانك مليااااااااااااااااار

يارأوينا

ابداع ابداع ابدع صح كلك يابوفهد


اشكرك

00000000


خفوقي ضاع بامواجه سبايب صاحبـن باعـه
----------------- ولايقدر يشوف الدرب لو برقه غدى له ضـوح

عقب ماكنت والغالي بروضـن فـاح نعناعـه
---------------- اشوف الموت يدعيني ولو شحت النواظر شوح

طرى لي وسط موجاته خدود الزيـن لاراعـه
------------------ شعاع البرق ذكرني بمبسـم وجههـا المملـوح

...

ابوفهد

قصيده رااائعه

صح لسانك ..

الله الله الله



رووعـــــــــــــــه ،، كعاااااااادتك



شدنــــــــي هالبيـــت ولاهـــو قصــــــور فــي الباااقــــي ،،





انا جيت الطبيب وحط فوق الصـدر سماعـه

وجاب الفحص والناتج خفوقن بالغـلا مشفـوح





ياسلاااااااااام عليـــــــــــــك ،،