17-03-2008 | #1 |
|
صوت وصدى (ابو خلود الحسيني و ابو جمال المنيس )
اخواني هذا ما استقبلني به اخوي الغالي ابو خلود الحسيني
بقسم الترحيب وحبيت انقل القصائد الى قسم الشعر مع عجزي عن شكر اخوي الغالي هلال عزيزي الحسيني ابو خلود واليكم ما قال ابو خلود 00000000000000000000000000000000000000000000000000 00000 هلا وغلا بأبو جمال وأقول: بمناسبت حضورك
خذ ترحيبةٍ منـي بـلا قيـس=من صاحبٍ لك عـد إحترامـه حياك عـد مايصـوت القيـس=وعد ماشافت زرقـى اليمامـه هـلا بمحمـد عقيـل منيـس = أبو جمال الضيغمي جل إحترامه هلابك عـد قبـس المقابيـس=وعد مالفانـا الليـل بهمامـه وعد ماكسبنا مـن النواميـس=وعـد ماشلنـا مـن الكرامـه وعد ماشمرن ترخـي الكيـس=وعد مابيننـا مـن الشهامـه يالمفضلي لك بقلبي كوابيـس=كلها حبـن وتقديـر بزعامـه حياك عد حمـس المحاميـس=وأعداد ماناحة هديل الحمامـه وعداد ماترسنـا بالمتاريـس=وعد ماصلنـا وجلنـا زمامـه يامرحبى عداد ماقيـل عيـس=والشعر فيكـم يقصـر كلامـه والعـذر ماوفينـا لكـم قيـس=لكن مابالقلب رفيعـن مقامـه وسلامتك يابو جمال وأعذرنا عن القصور لك ودي ودمت بحفظ الرحمن أخوك ،/ هلال عزيز الحسيني الشمري |
|
17-03-2008 | #2 |
|
اخوي العزيز هلال عزيز الحسيني الشمري ارجو ان تنال هذه الابيات رضاك وهي ردا على ما غمرتني به من كرم الاخلاق والاستقبال ولو انها لم تصل لقامت قصيدتك الرائعة ودائما راعي الاوله ما ينلحق ولو كتبت به معلقة ولكن المعذرة عن القصور. فانا تعودت منك الطيب دائما وانت سباق للطيب كما فعلت بمنتدى اخر قبل هذا المنتدى عندما جاريت قصيدة الشيهانة وهذا شرف لي ثم غمرتني بكرمك بهذا الترحيب اشكرك الى اخر حدود الشكر واتمنى ان اكون عند حسن ظنك .
تعداد ما خطوا ببيـض القراطيـس = فيك البقـا ياللـي جزيـلٍ كلامـه من قلب صافي ما دخل به هواجيس= يشكرك من راسه اليا اخمص بهامه يا أولاد علي محضبين المتاريـس = يقولها خالي وانـا اتبـع نضامـه قول الوبير قبال شيخ السناعيـس = يوم إن جو المعركة لـه عسامـه وبالحرب ربعك يكسبون النواميس = حتى شموخ المجد نلتـوا سنامـه ويم المعادي تتعبـون العواسيـس= وقدتوا سنام المرجله من خطامـه زبن المجلاّ يا حصل لـه لواليـس =يمّـن بكـم قلبـه ويهنـا منامـه أنتم سندنا قبل دور الصنم ويـس = من غربي الفيحـا لقبلـة تهامـه وحنا لكم وقت اصطفاق الملابيـس = فزعاتنا وقـت اللقـاء بالجهامـه نتبع شيوخٍ يطلقـون المحابيـس = إشيوخنا الجبرين رمـز الشهامـه وجميع شمر يوم الأكـوان فريّـس = نفخر بضاري والغضنفـر عدامـه زوبع والأسلم واليمين السناعيـس = نفخر بهـم حتـى تقـوم القيامـه يقولها شاعر درس دون تدريـس= مثلك على العليـا خوالـه عمامـه اخوك عقيل سعود المنيس الشمري ابو جمال |
|
17-03-2008 | #3 |
الإدارة
|
الشاعر الكبير والقدير / عقيل سعود المنيس الشمري
الحقيقة معرفتك ترفع الراس ووجودك بيننا مكســــــــب كبير لنا ولكل متذوق شعر وابو خلود بيض الله وجهه ماقصر وحقك أكبر من هذه القصيدة ياطويل العمر بيض الله وجهك على اتحافنا بقصائدك الراااائعة |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
17-03-2008 | #5 |
|
ابو جمال
بصراحه يعجز القلم عن الوصف وتتقزم الأحرف امام شامخ ماقرأت صوت صدى يطرب المسمع ويروي المتذوق صح لسانك وصح لسان ابو خلود والف نعم بالجميع وهذا عقالي رافعه لكم اثنينكم |
ادور لي عذر مقنع لعلّي = اذا قفّيت دمعي مايهلّي واكون اقوى على بعد الولايف =واشد القلب حتى مايذلّي بعيد ارحل لجل مسمع لصوته = اخاف ليا دعاني جيت كلّي |
18-03-2008 | #7 | |||||||||||||||||||||||
|
بيض الله وجهك بيض الله وجهك لاهنت لاهنت يالغالي والله يخونن التعبير أمامك والله أن معرفت شرواك أنه مكسب والله مكسب صح ألسانك وعلا شانك يابو جمال عشت والله عشت الحقيقه والله لو قلنا كل ماعندنا ما وفينا حقك وحق ربعك ونعمٍ والله بك وبهم وبأشيوخكم الجبرين والله ترفعون الراس ومهما كتبت فأنا مقصر بحقك يمكن ماتعرفن شخصياً لكن والله لك معزه بقلبي ياعقيل أعجز عن الشكر لشخصك الكريم غمرتنا بطيبك يابو جمال صح ألسانك وقصيده منك أعلقها على العنق وأعتز بها أمام الناس لاهنت الحقيقه عجزت عن التعبير أما شموخ نصك وكلامك يابو جمال لكن بإذن الله بيننا تواصل لك ودي وأجل إحترامي يابو جمال ودمت بحفظ الرحمن |
|||||||||||||||||||||||
|
18-03-2008 | #9 |
|
اخوي العزيز المشرف العام انا اللي لي الشرف بالتواصل معكم وانتم من يرفع راسي معرفتكم وبيض الله اخوي بدر الشمري على دعوته لي للتشرف بالانضمام معكم . واتمنى ان اكون عند حسن ظنكم دائما ... اخخوك ابو جمال |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام