الباب الثاني

الباب الثاني

اتمنى ان تنال اعجابكم وتكون كفارة عن انقطاعي المتكرر ولكن مشاغل الدنيا الله يكفينا شرها

أنا من ثلاث أيام والفكر كالدولاب = يدور بمكانه و يتقدم و يرجع به
تفره هواجيسه ولا يعرف الأسباب = تنزله بعض أحيان وأحيان تطلع به
يرف بمكانه مثل ما يرجف الصباب = يعبر المحيط وقاطر البيت يطبع به
غدى مثل من يقدم على شي لكن هاب = أو اللي يدّور ما لقى علم يقنع به
أشوف الضيوف اللي تزاحم بثاني باب= وأشوف الحجيج كثار تفتر بالكعبه
أجامل محبيني وأنا هاجسي مرتاب = وأشوف الربيع وناظري ما تمتع به
وأسولف مع الحاضر وفكري مع الغيَّاب = وأعرف الحقيقه زين لكنها صعبه
ايا غيبة ابن هذيل عنا هنيه غاب = عن الوقت هذا كل ما فيه يجزع به
زمانٍ يخذل السيف و يقلط المشعاب = تجوع الصيارم وأبرق الريش تشبع به
تساوت بها روس السوالف مع الاذناب = يعز الهزيل وطيَّب الساس يقمع به
وعن ذياب بن غانم قنعنا بعمر ذياب = ندش السباق ولا كسبنا ولالعبه
صحيح اللحا ما تكرم الاّ من الأشناب = واللي فاخت أصحابه ترى الناس تطمع به
يصلي بمسجد مير لا يقرب المحراب = ولا فيه سيَّد قوم لاجل أتشفّع به
تخالط قيم والا تمازج بشروانساب = تناغم نشوفه شوف والناس تسمع به
طلع فيه شعبه ما يجيها طريق نصاب = بدل شعبة المياه صرنا مية شعبة
ياليت العذارا تعتزل مهنة الإنجاب = أو تجيب عالم محترم مثل ابن شُعبه
أنا في بنوك سويسرا ما فتحت حساب = فقير ورصيدي متر قاع اتربع به
لكني عرفت مسيلمه لو حلف كذاب = عسى النار تطفي عن سُليم وتولع به
ونخيت القصيد إيزيد لكن قافي شاب = ولكن ضميري دايم الحزن يرتع به

(( عقيل سعود المنيس الشمري 12/4/2003))

ابوجمال

اتشــــــــــرف بأن اكون أول المعانقين لمعلقتك الرااااائعة
مايجي منك أقصور ياإبن العم ووجهك أبيض داااائم
صح السانك ااااااااااااااالف



لك كل الود

صح كلك يالنشمي
ننتظر كل جديدك الطربه

اخي العزيز المشرف العام

القصيدة وشاعرها يتشرفون بمرورك الكريم

وصح بدنك واتمنى اني اسجل ما يرتقي لمستوى ضنك

اخووك ابو جمال

اخوي الكريم الأدهم

صح بدنك والف شكر على المرور

اخوووك ابو جمال المنيس

ياليت العـذارا تعتـزل مهنـة الإنجـاب
أو تجيب عالم محترم مثل ابـن شُعبـه

أنا في بنوك سويسرا ما فتحـت حسـاب
فقير ورصيـدي متـر قـاع اتربـع بـه

لكني عرفت مسيلمه لـو حلـف كـذاب
عسى النار تطفي عن سُليم وتولـع بـه

ونخيت القصيد إيزيد لكـن قافـي شـاب
ولكن ضميري دايـم الحـزن يرتـع بـه


الله ،، الله


عآنقة الجزاله ،، صح لسآنك


وانت غني بطيبيك ،، واخلاقك ،، يشهد الله ياخووي ابو جمال ،، كل بيت استوقفني


سررحت مع ابيات القصيده ،،


تساوت بها روس السوالف مع الاذنـاب
يعز الهزيل وطيَّب السـاس يقمـع بـه


<< الله عليك صدقت والله يالوافي



مبدع واكثر ،، واكثر ،، واكثر

يسلمووووو
وصح السانك

اقتباس المشاركة الأصلية كتبت بواسطة ابو جمال المنيس أجامل محبيني وأنا هاجسي مرتاب = وأشوف الربيع وناظري ما تمتع به وأسولف مع الحاضر وفكري مع الغيَّاب = وأعرف الحقيقه زين لكنها صعبه (( عقيل سعود المنيس الشمري 12/4/2003))

0

0

أبو جمال المنيس

صح لسانك .. ولاهنت

دامت قوافيك

ابن منيس لله درك وطيت على الجرح شاعر كبير

تساوت بها روس السوالف مع الاذنـاب
يعز الهزيل وطيَّب السـاس يقمـع بـه

صادق والله

لا فض فوك ومات حاسدوك على هذه الرائعه جزله من جزل

وجميل يابو جميل

دام هذا العطاء

محب شعرك

ابن سراي