رائعة للشاعر نويميس الغفيلي

الله مِـن قلـبٍ همومـه تتـلّـه=مثل الذي يتل دلـوه مـن البيـر
راعـي نيـاق ورّد البيـر بلّـه=بِـلٍّ يورّدهـا وبـلٍّ مصـاديـر
نوبٍ يصل الدلـو ونـوبٍ ِيتلّـه=والبير جيلانه خفيـسٍ مخاطيـر
والبـل ضميـأ والمـوارد مِقلّـه=بالقيض حاديها جحيم المساعيـر
عجلات والحيران جن يتبعن لـه=متنصّيات البير عقب المساعيـر
جنّك ظوامي والصحـاري تِفلّـه=مِلحٍ معاها شقح وأيضـا مغاتيـر
بارضٍ خلا مابـه نبـاتٍ يظلّـه=بارضٍ خلا مابه حيـاةٍ ولاطيـر
على الذي داست على البيض كلّه=غصبٍ على كل البنات الغناديـر
على الذي لاهـي طويلـه مِخلّـه=ولاهي من اللي مالهٍ جسمه اِقصير
شيهانةٍ فـي راس رجـمٍ مطلّـه=في راس عوجٍ نايفـاتٍ معاسيـر
مملوحة الخديـن والخشـم سلّـه=سلّة سيوف الساطيـات البواتيـر
ماظنّتـي بالحـور مثلـه ولِلّـه=من زينها كل الحـواري مغاييـر
ورمشٍ عليها يظلـم الليـل ظلّـه=والكحل جالس بالعيون المحاجيـر
ومبسم إليـا منّـه طلـع ماتملّـه=من ضوِّ خدّه تسري الليل وتسيـر
يوم أمّها في بطنهـا حامـلٍ لـه=من نورها خد أمّها فيـه تنويـر
ياظنّتي أصله وفصله ومِـن لـه=راحوا وجابوها من كوكبٍ غيـر

الشاعر / نويميس النويميس الغفيلي

صح لسان الشاعر على القصيده

والف شكر لكي همس على النقل الرائع

تحيااااتي

صح السان الشاعر على القصيده
يسلمن الايادي على نقلها

همس الشمال

نقل مميز وابيات اروع

صح قلبك ولسان الشاعر

تحياتي

تسلم يمينك اخت همس الشمال

اقتباس المشاركة الأصلية كتبت بواسطة همس الشمال الله مِـن قلـبٍ همومـه تتـلّـه مثل الذي يتل دلـوه مـن البيـر راعـي نيـاق ورّد البيـر بلّـه بِـلٍّ يورّدهـا وبـلٍّ مصـاديـر نوبٍ يصل الدلـو ونـوبٍ ِيتلّـه والبير جيلانه خفيـسٍ مخاطيـر والبـل ضميـأ والمـوارد مِقلّـه بالقيض حاديها جحيم المساعيـر عجلات والحيران جن يتبعن لـه متنصّيات البير عقب المساعيـر جنّك ظوامي والصحـاري تِفلّـه

الله الله وصف وتشبيه قمه

تسلم يمنك عالنقل والأنتقاء الكثر من رائع صح لسانك ولسان الشاعر

همس الشمال

مميزه والله بنتظارك دائماً

حماك اللهً

مشكــور اخي
الروقي على مرورك العطر

اخوي//همس الشمال

صح لسان الشاعر ولسان ناقلهــآ
يعطيك العافيه على القصيده الجميله
مشكورر وماقصرت يالغالي
لك اجمل التقدير مني



تحياتي لك

اقتباس المشاركة الأصلية كتبت بواسطة الكاسر تسلم يمينك اخت همس الشمال

الكاسر ويمينك
ولاهنت على مرورك العطر

اقتباس المشاركة الأصلية كتبت بواسطة متفائل همس الشمال نقل مميز وابيات اروع صح قلبك ولسان الشاعر تحياتي

متفائل مرورك الرائع
ولك كل التقدير